“Baresha” bëhet me videoklip (Video)

Prishtinë, 11 janar – Një bareshë e veshur me petkun e zanave të malit vrapon nëpër Bjeshkët e Nemuna. Përralla rrëfehet përmes lëvizjeve jo fort të shpjeta. “Poezia” vizuale, e cila reflekton dashuri për muzikën, natyrën, traditën e trashëgiminë kulturore, shtjellohet në tetë minuta. Bareshat portretizohen nga balerinat. E kujtimet për fëmijërinë janë gjithmonë të freskëta. Tradita kombinohet lehtë me modernen dhe lë përshtypje se janë një. Madhështisë i jep vulë paraqitja e Bilbilit të Kosovës.

Në videoklipin e këngës “Baresha” Nexhmije Pagarusha shfaqet madhështore. E veshur me një fustan plot glamur, “loja” e saj në videoklipin që ka pritur fiks 50 vjet për t’u realizuar, është e vogël por madhështore. Buzëqeshja e lehtë e saj flet shumë. Pagarusha nuk është e pranishme në shumë skena të videoklipit, fotografia e të cilit i afrohet perfeksionizmit. “Loja” e saj është inskenuar në Hamamin e Prizrenit dhe në videoklip shfaqet në momentet kulmuese të këngës së “thurur” nga kompozitori Rexho Mulliqi.

Vazhdo…

Edhe një duet, Amë e bijë

Këngëtarja Gresa Behluli, në një intervistë për portalin Gjuha Shqipe, ka folur për bashkëpunimin e saj të fundit me Genc Prelvukaj, këngën e re dhe jetë e saj private.

Gresa Behluli ka vendosur që përsëri të rikthehet në skenën e estradës kosovare.

Çika e Shkurte Fejzës tashmë i është rrekur edhe më profesionalisht profesionit të nënës së saj dhe ka filluar një bashkëpunim me Genc Prelvukaj, më të cilin edhe ka realizuar një këngë.

“Projekti im i fundit ka qenë kënga “Faqe e re”, të cilës i është realizuar edhe videoklipi. Mund të them që ka qenë një këngë e suksesshme dhe mbetet një nga këngët më të bukura të miat dhe mendoj se është pëlqyer edhe nga publiku dhe jam e kënaqur për këtë”, ka thënë Behluli në një intervistë dhënë portalit Guha Shqipe.

Këngëtarja po ashtu ka folur edhe për ndonjë bashkëpunim të saj të mundshëm në mes të saj dhe nënës së saj Shkurte Fejza, pas këngës “Nëna dhe bija”.

“Stili i kësaj kënge ka qenë gërshetim i dy stileve të ndryshme të muzikës (stilit të nënës dhe stilit që unë këndoj) dhe ndoshta kjo edhe ka qenë arsyeja që kënga ka qenë e suksesshme. Pikërisht nga kërkesat e shumë adhuruesve tanë kemi vendosur të punojmë së bashku prapë një duet që pritet të realizohet në të ardhmen”.

Gresa po ashtu ka thënë se ndihet e nderuar që e ka nënë Shkurtën, një këngëtare tashmë e njohur në të gjitha trevat shqiptare.

“Natyrisht që ndihem e nderuar dhe emri i saj më ka bërë të ndihem e privilegjuar tërë kohën, por nuk jam edhe komode sepse edhe unë e kam filluar një rrugë të tillë (muzikën). Nëse nuk kisha qenë këngëtare, ndoshta e kisha gëzuar më shumë këtë privilegj, sepse emri i saj më bën të kem shumë përgjegjësi dhe më privon prej shumë gjërave si e re që jam”.

Burimi: GazetaExpress

Këngëtare me master Adelina Emini

Këngëtarja Adelina Emini, pos këngës, pritet që gjatë janarit të magjistrojë në ekonomi. Ajo editoi klipin “Bëhu burrë” para festave të fundvitit 2011, përderisa paralajmëron edhe album gjatë këtij vit. Adelina Emini flet për Express.

Këngëtarja Adelina Emini, në një bisedë për Gazetën Express, ka shpalosur planet e saj për të ardhmen si këngëtare, përderisa ka thënë se pos profesionit si këngëtare, do të vazhdojë të merret edhe me profesionin e ekonomistes, në ç’drejtim edhe do të magjistrojë gjatë janarit.

Këngëtarja thotë se klipi i saj i fundit “Bëhu burrë” ka dalë një klip shumë i mirë dhe i shkëlqyeshëm.

Vazhdo…

Dhurata vazhdon me modelim

Njëra prej bukurosheve dhe modeleve më të njohura kosovare, Dhurata Lipovica thotë për Express se do të vazhdojë të modelojë, pavarësisht lindjes dhe angazhimeve më të shumta si nënë.

Modelja Dhurata Lipovica pritet të jetë edhe më aktive këtë vit nëpër sfilatat që do të mbahen në Kosovë, përderisa në një bisedë për Express, bukuroshja thotë së do të vazhdojë të merret me karrierën e modelimit edhe pas lindjes së Blinit, djalit të saj.

Modelja, që është e martuar me aktorin Fisnik Ademi, thotë se do të vazhdojë të merret me modelim, por jo në mënyrë aktive sikurse më parë.

“Ma merr mendja që do të vazhdoj të merrem me modelim. Jo në atë masën sikurse kam bërë më parë, ku kam qenë shumë aktive, por sigurisht që do të marr pjesë nëpër disa sfilata që do organizohen në Kosovë”.

Vazhdo…