Pas tre meshkujve shqiptarë që kanë marrë pjesë në shkollën “Amici” të Maria de Filipit, këtë herë, Shqipëria do të “përfaqësohet” nga një femër. Borana Qirjazi është një 19 vjeçare, e cila ka lindur në Tiranë, por jeton në Leko të Italisë dhe merr pjesë në këtë edicion të nëntë të “Amici” në disiplinën e kërcimit klasik. Vajza ka arritur të fitojë zemrat e shumë shikuesve, qofshin këta italianë, por edhe shqiptarë që jetojnë në Itali dhe jo vetëm dhe ka arritur të bëjë shumë fansa të saj.

Borana Qirjazi

Por, kjo nuk do të thotë se kanë munguar kritikat, edhe pse janë javët e para të provave, mësuesja ka nisur nga kritikat për nxënësit e saj. Kritika për Boranën ka qenë shumë e veçantë. Nuk kishte të bënte as me mënyrën e të kërcyerit, as më stilin e kërcimit, por me gjoksin…
Vetë mësuesja Adriana Celentano ka thënë: ” Është i tmerrshëm ky gjoks. Nuk e kisha vënë re gjatë provave. Është shumë i madh dhe kërcen bashkë me trupin e Boranës. Duhet të gjejmë një zgjidhje”.

***
Për koincidencë edhe Bjordi konkurenti i famshëm i Big Brother, jeton në Leko të Italisë, siç duket shqiptarët që jetojnë në Leko qenkan shumë të talentuar dhe të aftë

Në një intervistë të shkurtër, ajo ka zbuluar disa gjëra për veten e saj:

Cilët njerëz mendon se nuk të pëlqejnë ty?

Unë mendoj se u pëlqej të gjithëve

Çfarë do ndryshojë nga karakteri yt?

Asgjë, më pëlqen karakteri im

Zakonisht, çfarë mendojnë të tjerët për ty kur të shikojnë për herë të parë?

Që jam një vajzë e bukur dhe simpatike

Ku dhe kur ndjehesh e papërshtatshme?

Nuk ndihem asnjëherë e papërshtatshme