Në jetën e Bjordit kanë ndodhur shumë ngjarje të rëndësishme brenda një kohe shumë të shkurtër. Edhe pse ka lënë Shqipërinë në moshën 2-vjeçare, ai ka mundur ta vizitojë atë vetëm pak kohë më parë. Fëmijë i prindërve të divorcuar, ai u rrit me mamanë e tij e cila ka bërë të gjitha sakrificat e mundshme që të birit të mos i mungojë asgjë. Ndërkohë në ardhjet e tij në Shqipëri, ka mundur të njohë edhe disa nga njerëzit e afërm të babait, Bujar Mezinit.
Bjordi-big brother Albania
Lajmin e parë nga i ati nëpërmjet komunikimit me letër, ai e mori kur ishte brenda shtëpisë së “Big Brother” duke e ndarë këtë histori me të gjithë shqiptarët. Dhe e gjithë kjo ngjarje, tipike e familjeve të tranzicionit, hapi shumë debate të tipit: A duhet ta takojë Bjordi të atin, a duhet t’ia falë mungesën 21 vjeçare në jetën e tij? Dhe diskutantët ndahen në dy kampe, dikush thotë ‘po’ e dikush ‘jo’, ndërkohë që vendimin i duhet ta marrë vetë Bjordi, i cili edhe pse është vetëm 21 vjeç, duket se nuk i prishen kollaj ekuilibrat edhe nga histori të tilla kaq tronditëse. Por mesa duket surprizat për djalin simpatik dhe të ëmbël të “Big Brother”, nuk kanë mbaruar akoma.
Kur të dalë nga shtëpia, ai do të takojë edhe një person shumë të afërt për ekzistencën e së cilës ai me siguri nuk ka dijeni. Kur ne publikuam intervistën e mamasë dhe babait të Bjordit duke bërë edhe një farë ballafaqimi mes tyre, por edhe kur u publikua letra e Bujarit gjatë spektaklit, në adresë të redaksisë tonë, erdhi një mesazh nga një vajzë me emrin Ariana (mbiemrin nuk po e tregojme për ruajtjen e privatësië). Ajo na rrëfen se ka lidhje gjaku me Bjordin, por ky i fundit nuk ka dijeni. Ja si ka ndodhur: Kur Antoneta, mamaja e Bjordit, është njohur me Bujarin, babain e Bjordit, të dy kishin patur martesa të mëparshme.
Nga martesa e parë, Antoneta kishte një vajzë, Skerdën të cilën Blordi e njeh, ndërkohë që edhe Bujari nga martesa e tij e parë kishte një vajzë me emrin Enkeleda, e cila sot është rreth të 35-ve. Enkeledën e gjeti viti ‘90 në një moshë të re, por e martuar dhe me dy fëmijë si dhe banonte në Durrës. Më pas ajo ndahet nga bashkëshorti shqiptar dhe ikën në Itali, ku u martua me një italian dhe bëri fëmijë të tjerë me të. Ajo ka pasur të njëjtin fat si Bjordi i cili është vëllai i saj nga babai. I ati nuk e ka takuar asnjëherë, por herë pas here i dërgonte letra njësoj siç po bën tani me Bjordin.
Madje Arianna na tregon se tekstet e letrave që gjyshi i saj Bujari, i dërgonte të jëmës, ishin njësoj si ajo që i dërgoi Bjordit, duke cituar Hygonë dhe duke përdorur të njëjtat fraza. Enkeleda ka patur mundësi të njohë të vëllain nga programi “Big Brother” ndërkohë që e ka takuar vetëm një herë kur ai ka qenë 2 vjeç. Ajo nuk dëshiron që këtë fakt të familjes dhe jetës së saj, ta bëjë publike duke u bërë pjesë e spektaklit dhe e shkrimeve në gazeta, por ka vendosur ta takojë Bjordin dhe të njihet me të sapo ai të dalë nga shtëpia e “Big Brother”. Padyshim që ky fakt do ta çudisë jo pak Bjordin, në vazhdën e çudirave dhe risive në jetën e tij. Por ndërkohë historia e të motrës e cila është shumë e ngjashme me të tijën, (madje për çudi ata jetojnë në të njëjtin shtet), do ta ndihmojë jo pak Bjordin, që ta njohë akoma më mirë babain e tij biologjik.
Flet motra e Arjonit, Frensi / Si e shikon ajo qëndrimin e të vëllait në shtëpinë e Big Brother-it, çfarë mendon për Anjezën, vajzën që ai ka shprehur simpati dhe e ka puthur në buzë dje nw mengjes dhe si do të rrjedhin ngjarjet, sipas saj.
Më në fund, në shtëpinë e Big Brother-it ndodhi një puthje prej vërteti. Ka qenë Arjoni që nuk ka duruar dot më dhe, mëngjesin e ditës së djeshme, ka puthur në buzë Anjezën. Është cilësuar si një nga djemtë më simpatikë të shtëpisë së Big Brother-it dhe si një nga më të sjellshmit me femrat. Ajo që i ka tërhequr vëmendje kohët e fundit Arjonit, është Anjeza, njëra nga banoret më të reja të shtëpisë. Me futjen e saj në shtëpi dhe daljen e Zhulejtës, Arjoni u afrua më shumë me të. Po aq shumë sa…. e pranoi edhe vetë gjatë spektaklit të së shtunës së kaluar, se ndjente simpati për vajzën. Kishin ditë që flinin bashkë, po ende nuk kishte dal një puthje në horizonte, ndërsa dje gjithçka doli ashiqare, ata të dy u puthën. Sa më shumë kalojnë ditët, aq më shumë e shohim djalin simpatik të afrohet ndaj Anjezës. Për këtë lidhje simpatie mes dy të rinjve, që tashmë është kurorëzuar me një puthje, ne kemi marrë mendimin e motrës së Arjonit, Frensit. Afrimin e vëllait të saj ndaj Anjezës, e shikon si një gjë normale mes dy të rinjve që kanë vetëm simpati ndaj njëri-tjetrit. Sipas Frensit, do të janë ata që do të vendosin se çfarë do të ndodhë mes tyre në vazhdim, nëse kjo lidhje do të jetë edhe jashtë shtëpisë apo jo. Për Arjonin është hera e parë që pranon se pëlqen një vajzë brenda shtëpisë dhe se deri më tani ka ditur ta ndajë shoqërinë nga dashuria. Ndihen mirë mes tyre dhe këtë e kanë pranuar publikisht. Ajo që pritej, ndodhi dje. Se si do të rrjedhin ngjarjet në ditët në vazhdim, apo edhe jashtë shtëpisë, është ende e paparashikueshme. Nuk na mbetet gjë tjetër, veçse t’ia lëmë kohës.
anjeza dhe arjoni
Si e shikon lidhjen e Arjonit me Anjezën?
Deri dje e kam parë më tepër si një lidhje shumë të ngushtë miqësore, edhe pse Arjoni ka shprehur një simpati për Anjezën. Bashkohen në shumë mendime që i ka bërë ata të ndihen mirë dhe në sintoni me njëri-tjetrin. Ndërsa puthja e djeshme i ndryshoi gjërat.
Mendoni se do të zgjasë kjo lidhje, që duket sikur po nis në shtëpinë e Big Brother-it? A do të vazhdojë edhe jashtë?
Për sa i përket lidhjes që kanë, mendoj se do forcohet edhe më tepër, edhe jashtë shtëpisë, sepse ata të 2 kanë shumë gjëra të përbashkëta, dhe kanë gjetur një pikëtakimi. Mendoni se mund të ketë rënë vërtet në dashuri, apo po e bënë ketë për show?
Nuk mendoj se mund të bjerë në dashuri kaq shpejt, ai thjesht ka shprehur një simpati që, në qoftë se gjen terren, do rritet, në të kundërt, do ndalet thjesht në një miqësi të sinqertë. Nuk bën pjesë te karakteri i Arjonit të luajë me ndjenjat apo ta përdorë këtë gjë thjesht për një lojë. Në rastet e mëparshme, me femrat e tjera të shtëpisë, ai është treguar më se i qartë, duke mos e ngatërruar miqësinë me dashurinë. Është Anjeza tipi i femrës ideale për Arjonin?
Arjoni nuk ka vetëm një stereotip për ta përcaktuar kaq lehtë. Gjithsesi, mendoj se Anjeza ka karakteristikat e një femre që mund t’i interesojë Arjonit. Është e thjeshtë, pa komplekse, simpatike dhe e çiltër. Po ta kishit Arjonin përballë tani, çfarë do t’i thoshit?
Jam krenare për ty, vazhdo të jesh i çiltër dhe i drejtë, siç ke qenë deri tani. Si u ndjeve ti kur Arjoni tha për ty se je shembulli i femrës ideale?
Ne të dy jemi shumë të lidhur dhe e respektojmë shumë njëri-tjetrin. Tek Arjoni unë shoh një person të kompletuar, një vëlla ideal, ashtu siç ai sheh tek unë një motër ideale. Për ne familja është diçka e shenjtë dhe në të shohim të pasqyruar shembullin më pozitiv të një familjeje të shëndoshë. Pse mendon se Arjoni refuzoi mbrëmjen e se shtunës t’i linte një mesazh ish-të dashurës?
Ai e shpjegoi më mirë mbas mbarimit të spektaklit, se ajo ishte një çështje tepër delikate dhe për respekt ndaj saj, nuk do t’ia lejonte vetes që ta përziente në këtë histori, duke shpjeguar se ajo meriton një komunikim sy për sy dhe jo thjesht nëpërmjet një ekrani. E gjitha kjo ishte një mënyrë për ta mbrojtur dhe respektuar, si gjithmonë.
Adelajda tashmë e ka ligjëruar lidhjen e saj të re me Bjordin, njëkohësisht dhe kundërshtari i saj në “Big Brother”, në garën për të fituar 70 mijë euro. Por të tjera të reja vijnë për të kaluarën e saj jashtë shtëpisë. Ish i fejuari, Agron Lushka në rrëfimin e tij të dytë ekskluziv për “Panorama Plus” tregon për një histori të mundshme tradhtie të saj me një pedagog nga Elbasani, universiteti ku ajo është duke ndjekur studimet për Gjuhë- Letërsi. Për “Panorama Plus” ai dëshmon këtë fakt, që ia kanë pohuar vetëm një muaj pasi ish e fejuara hyri në “reality show”-n “Big Brother 2”.
Agron-lushka
Goni po e ndjek Adelajdën në “Big Brother”, e ke idenë si po shkon loja?
Jo fare. S’e kam idenë ç’po ndodh.
Qetsori tha pak a shumë që ashtu siç ka sytë e zinj, flokët e zinj Adela ka dhe shpirtin e zi. Si e komenton?
Përderisa ka thënë Qetsori them se është e vërtetë. Ai po bashkëjeton me të në një shtëpi dhe ndaj nuk mund ta thotë kot. Unë vetë kam kaluar plot pesë vite me të, dhe ende nuk arrij të nxjerr një konkluzion se kush është ajo në të vërtetë.
Në ato pesë vite Adela ka bërë një jetë të mirë apo të keqe me ty?
Më kanë thënë që është shprehur se ka bërë një jetë të keqe. Por do i thosha që jetën e keqe mund ta ketë kaluar vetëm tek shtëpia e saj. Unë ia kam plotësuar të gjitha çfarë kam mundur. Por mendoj se ajo ka më shumë pretendime seç meriton.
Çfarë ke parasysh kur thua këtë?
Po ja Adela më kërkonte me ngulm të bëhej drejtoreshë shkolle në Kavajë, edhe pse e dinte që ende nuk kishte marrë diplomën. Ju duket pretendim normal ky?
Si ka shkuar lidhja juaj në aq vite?
Vitet e para kemi kaluar mirë. Por për më se një vit e gjysmë marrëdhëniet tona u ftohën. Grindeshim shpesh dhe në këtë periudhë fejesa jonë nuk ishte më si më parë.
Pse cila ishte arsyeja?
Provokimet e Adelës ndaj meje ishin arsyeja. Më bënte telefonata pa numër dhe sillej si vajzë tjetër për të më provokuar se ku ndodhesha. Këtë gjë ma ka bërë për herë të parë në 1 mars 2006 kur isha në drekë me familjen. Përdorte mënyra të tilla për të më kontrolluar. I zbulova shpejt lojërat e saj dhe më dukeshin veprime shumë të ulëta që vetëm ajo mund t’i bëjë.
Si reagoi ndaj kësaj ftohjeje?
Ajo është natyrë xheloze, qante shpesh. Por ky ishte problemi i tipit, karakterit të saj. Mund ta them me bindje se nuk jam sjellë kurrë keq me Adelën.
Tashmë jeni i ndarë. Çfarë komentesh ju vijnë për të tani që s’jeni më i fejuari i saj?
Nuk merrem me thashetheme, por kur ato kanë të bëjnë me jetën time nuk mund të mos ua vë veshin. Ajo që më ka bërë të ndihem vërtet i fyer është një histori e mundshme tradhtie nga ana e saj, në kohën kur kemi qenë të fejuar. Pas një muaji pasi ajo hyri në “Big Brother” më thanë se ajo ka pasur një histori tjetër paralele me një pedagog nga Elbasani.
Nga kush ka dalë ky thashethem?
Nga vetë shoqet shumë të ngushta të Adelës, që vazhdonin bashkë me të shkollën e lartë në Elbasan. Ato e kanë nxjerrë si muhabet tani që Adela ka hyrë në “Big Brother”. Mua erdhën më thanë më vonë të tjerë persona për të cilët nuk mund të prononcohem. Sipas tyre, historia ka qenë aq e thellë sa Adela i paska kërkuar dhe atij mendim për të hyrë në “BB” dhe ai nuk kishte pranuar.
Të erdhi e papritur apo kishe kuptuar diçka më parë?
Të them të drejtën jo, nuk ma kishte pritur mendja. Nëse do kisha kuptuar gjë do isha ndarë që në momentin e parë. Vetëm nuk gjej arsyen pse mund ta ketë bërë, pasi asnjëherë nuk i kishte munguar gjë nga unë dhe nuk i kam lënë shkas.
Kur mendon se mund të ketë ndodhur kjo tradhti?
Mbase tani vonë.
Mund të kuptohej tradhtia tek Adela?
Varet. Por femra si Adela nuk kuptohen asnjëherë.
Ti vetë e ke tradhtuar ndonjëherë?
Jo, asnjëherë.
Po për lidhjen e saj me Bjordin ç’mendon?
Bjordi është ende adoleshent dhe nuk e kupton. I uroj shumë që të mos i ndodhin këto gjëra, që më ndodhën mua me të.
Në lojën që ajo po bën çfarë i intereson më shumë Bjordi apo 70 mijë Eurot?
Paratë dhe fama pa diskutim. Madje mund të them se para se të hynte mu lut të mos ndaheshim, duke më premtuar se po hynte për të fituar 70 mijë euro, dhe nëse do fitonte 30 mijë euro do m’i jepte mua ndërsa 40 mijë euro familjes së saj.
Ka gënjyer Adela brenda shtëpisë dhe për çfarë?
Nuk më kujtohen tani. Por mesa e njoh është tip mashtruese. Në çdo moment mashtron. Për shembull ka thënë aty se s’ka qenë asnjëherë në plazhin e Golemit. Unë kam shtëpi plazhi atje dhe ajo ka kaluar gjithnjë tre muajt e verës.
Po manipulatore në çfarë rasti mund të jetë treguar?
Që në faktin që i vë shumë faj mentalitetit të Kavajës duke e përdorur si armë. Kavaja s’e ka gjykuar Adelën, ajo e ka paragjykuar këtë qytet para se të hynte. Po ashtu e them me bindje që ajo s’është askush që të përfaqësojë Kavajën. Thjesht po bën rolin e viktimës vetëm për të fituar.
Cila mund të jetë e ardhmja e saj pasi të dalë nga BB?
E di që do shkojë ku do shkojë dhe do kthehet përsëri aty ku ka qenë. Adela e sheh jetën si telenovelë, se në fakt në jetën e saj deri tani s’ka bërë gjë tjetër veçse ka ndjekur telenovela.
Duke komentuar fjalët që i kishte thënë Anjeza mbi pastërtinë që Mozës i mungonte, Adelajda i ka thënë se kur dikush kishte të drejtë, Mimoza duhet ta pranonte.
mimoza krasniqi
“Nuk lihen çorapet mbi banakun e kuzhinës!”- i ka thënë ajo Mimozës. Mimoza është munduar t’i shpjegojë rrethanat që e kishin shtyrë atë moment në atë veprim, por Adela ia ka prerë shkurt, duke i thënë se askush nuk donte t’ia dinte se çfarë kishte ajo në mendje. “Po ti pse i ke lënë këtu këpucët e mia?- i ka thënë ajo Adelës, – pse nuk i vure në vend pasi i përdore?”. Pas largimit të Adelajdes, Mimoza i ka thënë Republikës se shkak për gjithë këto situata që po krijoheshin ishte nominimi. “Ne po luftojmë secili për vete dhe po përpiqemi të gjejmë pretekse për të nxjerrë keq të tjerët!” – ka thënë Mimoza dhe ka shtuar se i vinte shumë inat me Adelën që mundohet “t’i tjerrë gjërat”. Ajo i ka thënë Republikës se si tip ishte shumë nevrike, por këtu, në shtëpinë e Big Brother po e përmbante shumë veten dhe po duronte shumë
Modelja, këngëtarja dhe aktorja Arita Fejzullahu pritet që të paraqitet në një projekt filmik të quajtur, Marica Miller. Sipas menaxherit të saj Bujar Hasani, këtë rol aktorja shqiptare që jeton në Norvegji e ka fituar me propozimin e James Belushi , ndërkaq xhirimet e filmit pritet të bëhen në New York dhe në Paris. Arita më parë ishte zgjedhur Miss Skandinavia, Miss Shqiptarja në Skandinavi. Ajo po ashtu është shpallur “Face of the Year in Norway”, ndërkaq mësohet se ka sfiduar edhe për P.Diddydhe Sean John.
Arita-Fejzullahu
Hasani, po ashtu ka thënë se Arita do të paraqitet në rolin e Marica Miller, e cila është një vajzë super e pasur. Historia e këtij filmi ka të bëj me puthjen e parë të dy të dashuarëve pavarësisht sfidave dhe ndarjeve të tyre të shpeshta. Ky lajm është konfirmuar vetëm nga Hasani, ndërkohë që në faqen zyrtare të Jim Belushit nuk thuhet asgjë edhe pse Hasani ka thënë se asistent regjie i këtij filmi do të jetë pikërisht aktori i njohur shqiptaro-amerikan. Informacione për këtë nuk ka dhënë as Hollywood Reporter, që përcjell prodhimet më të reja të Hollywood- it dhe aktoreve të tyre, në këtë rast të Jim Belushi, si dhe imdb.com.
S’ka pak që është publikuar video më e re e Elvana Gjatës dhe një bum i madh klikimesh janë shënuar në internet. Janë me qindra klikimet në faqe të ndryshme online ku kënga shoqërohet me klipin përkatës. Po kështu të ndryshme dhe mjaft pozitive janë edhe komentet e lëna në forume të shumta në internet. Elvana cilësohet si një këngëtare e zonja, me zë karakteristik, look të jashtëzakonshëm që ndryshon shpesh, dhe ëmbëlsi në komportimin përpara kameras. Vlerësime të shumta shkojnë edhe për kompozitorin Flori Mumajesi, firmën e të cilit, mban dhe kënga në fjalë.
Një histori e nisur pothuajse dy javë më parë dhe e konkretizuar me një puthje ka elektrizuar të gjithë shikuesit e emisionit “Big Brother”. Bjordi dhe Adela kanë pritur deri sa kanë hyrë në një dhomë ku menduan se nuk i shihte askush për ti dhënë njëri-tjetrit një puthje pasiononte. Por kjo është një realitet apo thjesht një tjetër hile për të qëndruar sa më gjatë në lojë. Mamaja e Bjordit, Antoneta Mezini, mendon se nga ana e djalit të saj nuk ka asnjë lojë por mban shumë rezerva për Adelën. Ajo e konsideron vajzën e re si të paedukuar mirë dhe me shumë komplekse e për këtë arsye mendon se ka një mijë arsye përse lidhja e tyre nuk mund të vazhdojë. Antoneta Mezini ka komentuar edhe marrëdhënien e Bjordit me të atin duke thënë se gjëja e parë që do bëjë kur ai do dalë do të jetë takimi me të pas më shumë se 20 vitesh.
Antonela-Mezini
Çfarë mendoni për “miqësinë” që ka lindur mes Bjordit dhe Adelaidës?
Si fillim, gjërat që kanë ndodhur aty brenda, nuk varen nga unë, sepse po të isha unë, do t’u jepja një zgjidhje tjetër. Bjordi është njeri shumë sensual, i sinqertë dhe, të paktën, mendoj që, për kohën që është aty dhe i shpreh këtë dashuri Adelës, ai ndjen diçka. Nuk jam në gjendje të garantoj se çfarë qëndrimi do mbajë Bjordi me Adelën pasi të dalë nga Big Brother-i.
Me aq sa e njihni Bjordin (që dihet e njihni më mirë se çdokush tjetër) dhe Adelën, mendoni që kjo është vetëm pjesë e lojës, apo ka diçka tjetër?
Mendoj se Bjordi ndien, e ka vlerësuar mbi të tjerat. Tek Adela, Bjordi gjen një vajzë inteligjente, por Bjordi nuk mund të arrijë të kuptojë. Jam e bindur që Adela nuk do të ishte një shoqe jete e Bjordit, këtë e them për 1000 arsye. Siç shihet, Bjordi është rritur pa komplekse, është i hapur dhe shumë i dashur me të gjithë njerëzit në përgjithësi. Adela këtë e ndien, por nuk arrin që, të paktën, për një moment, t’ia kthejë Bjordit tërë simpatinë dhe dashurinë që ai kërkon me delikatesën e një vajze 23-vjeçare. Unë nuk mund të gjykoj familjen e saj. Janë munduar ta edukojnë me aq sa kanë mundur, e kanë shkolluar, i kanë dhënë një profesion që ajo t’i japë edukatë dhe dije një brezi tjetër, por jam e bindur që nuk kanë mundur që Adelën ta rrisin pa tërë këto komplekse. Më vjen shumë keq për Adelën, unë e kuptoj dhe si nënë dhe si grua që, kundërveprimet ose kundërpërgjigjet që ajo i jep Bjordit, janë ndryshe me ato çfarë ajo ndien. Kjo duket qartë. Vetëm një gjë unë nuk ia fal Adelës: Bjordi është drita e syve të mi, e kam rritur me aq mund e sakrificë, natyrisht kur ishte i vogël mund t’i kem dhënë ndonjë dënim, ose ndonjë shuplakë, për ta bërë këtë që është sot, por më dhemb zemra kur e shikoj që dashurisë së Bjordit, Adela i përgjigjet me pantofla dhe me goditje.
Nëse do të kishit mundësinë t’i flisnit direkt Bjordit dhe Adelës, çfarë do t’u thoshit?
Në qoftë se unë do kisha Bjordin përpara, do të kisha pak për t’i thënë, se e shikoj që ai s’po bën asgjë të keqe, po reziston duke bërë dhe kundërshtarë, (gjë që s’është në natyrën e tij) me banorë të tjerë, për situata që Adela po i krijon, ndërsa me Adelën, në qoftë se do të më jepej roli si nënë dhe mike, do më duhej shumë punë për të bërë. Adela gjërat i kupton vetëm nga ana teorike. Në radhë të parë, do t’i jepja shumë dashuri dhe shumë përkëdhelje, gjë që Adelës, më duket, se i ka munguar. Do ta mbroja nga tërë ata njerëz që për Adelën janë kthyer në kundërshtarë të saj. Do ta mësoja të përgjigjej ëmbël dhe me shumë delikatesë, pa qenë nevoja të ulërijë dhe të çirret. Për mua, Adela ngelet njeri pozitiv.
Cilët janë konkurrentët më të fortë, përveç Bjordit?
Them se Bjordi u ka dhënë shumë kënaqësi tërë shikuesve dhe, me sa po e ndjek, ka adhuruesit e tij nga të gjitha moshat dhe unë bashkohem me ta, por unë bëj tifo për Adin dhe Liritën.
Cilët janë konkurrentët më të fortë për Bjordin?
Duke pasur parasysh që Bjordi është rritur ndryshe dhe demonstron në çdo moment të jetë i padjallëzuar, konkurrentët që mund ta përdorin këtë fakt të Bjordit, mund të jenë Qetësori dhe Aida.
Kë shihni në finale?
Aidën dhe Bjordin.
Çfarë vendimi mendoni se do marrë Bjordi për të atin?
Them se Bjordi është i lumtur që ju dha e drejta nga ana ime, të lidhet me të atin dhe, besoj se gjëja e parë që do të bëjë kur të dalë nga shtëpia, do të jetë takimi me të atin dhe unë jam plotësisht dakord.
Aktori Blerim Destani sapo ka perfunduar xhirimet per filmin holivudian “Get Low”. Filmi eshte i bazuar ne historine e vertete te nje njeriu qe ne jetonte Tennessee gjate periudhes se depresionit ekononomik te 20-30. Blerim Destani ne Kete film Luan perkrah aktoreve te si kalibrit Robert Duvall dhe Bill Murray.
Janë pesë motra, Leonita, Njomza, Mimoza, Ardita dhe Fitorja. Njëra më e bukur se tjetra, ëndrra e çdo djali kur i shikon. Janë dhe shumë mike të mira për arsye të afërsisë me moshën. Moza është motra e tretë ndërkohë që Fitorja është më e vogla, 17 vjeçe dhe cilësohet si motra më e bukur.
motrat-krasniqi
Janë të kënaqura që Mimoza është bërë pjesë e këtij programi por edhe krenare për mënyrën sesi ajo po sillet me banorët e tjerë. Por familja Krasniqi ka pësuar një shook të vërtetë kur ka mësuar nga programi që njëra nga vajzat e tyre qenka lidhur me një djalë dhe ata nuk dinin asgjë, pra bëhet fjalë për Polin. Por përsëri ndjehen mirë pasi besojnë tek zgjedhja e vajzës së tyre. Në këtë intervistë flet motra e dytë e Mozës, Njomëza, ajo që në fakt kishte shkuar për të marrë pjesë në “Big Brother albania” por stafi preferoi Mozën.
Si ju duket motra juaj në këto 5 javë qëndrim brenda shtëpisë së “Big Brother”?
Motra ime ka qenë vetvetja gjatë gjithë këtyre javëve. Ajo është munduar të japë maksimumin e saj, është shoqëruar mjaft me banorët, ka bërë një afrimitet të mirë me ta, kështu që mendoj se po ecën shumë mirë.
Ajo tregon se ju jeni një familje fanatike, me disa norma të forta, por veshja e saj flet ndryshe. A ka pasur ajo pengesa nga familja dhe a është paragjykuar nga ambienti?
Ajo s’ka thënë që kam familje fanatike, ajo ka cekur se rrjedh nga një familje me moral dhe karakter të fortë. Ndërsa veshja e saj është me plot stil dhe normale. Sa për paragjykime mendoj se s’ka pasur as nga familja dhe as nga shoqëria.
Shumë prej banorëve të rritur mendojnë se Mimoza ka patur fat të jetë pjesë e këtij programi në një moshë kaq të re. Po ju si familjare e saj si mendoni, a do e ndihmojë Mimozën pjesëmarrja në BB?
Po është e vërtetë që ka pasur fat që të jetë pjesëmarrëse e një show si “Big Brother”. Mendoj se do të jetë një eksperiencë që do t’i vlejë në të ardhmen. Se si do rrjedhin gjërat duhet të presim që ajo të dalë që andej.
Si ka mundësi që ajo nuk rezistoi dot pa treguar për lidhjen me Polin ndërkohë që jashtë e kishin vendosur që të mos flisnin për këtë temë?
Mimoza në situatat që ndodhej ishte e detyruar që ta shprehte lidhjen që kishte jashtë me Polin sepse kishte situata ku ajo ndihej e sikletosur prandaj nuk rezistoi dot pa shprehur atë që e kishte në brendësi.
Në atë shtëpi ajo është gjithnjë në qendër të vëmendjes së djemve. Po në jetën e përditshme sa tërheq vëmendjen Mimoza?
Po, Moza në shtëpi e kam vënë re që është në qendër të vëmendjes por ajo dhe jashtë shtëpisë së BB e ka pasë gjithmonë vëmendjen e meshkujve?
A e kishit menduar faktin se Moza mund të lidhej me një djalë aty brenda pavarësisht lidhjes jashtë, aq më shumë që ajo ka deklaruar se po më pëlqeu ndonjë djalë, unë nuk mendohem dy herë?
Jo kurrsesi nuk do lidhej edhe pse ajo ka deklaruar që po i pëlqeu dikush nuk do mendohej dy herë. Nuk do e bënte këtë gjë kurrë, jo vetëm për arsyen se ka dikë jashtë, por duke qenë një lojë, karakteri i saj nuk ia lejon këtë gjë.
Sa mbështetje ka nga Kosova Mimoza?
Mimoza ka shumë njerëz që e duan dhe e vlerësojnë si personazh. Pra ka mbështetje dhe përkrahje nga Kosova.
Shpesh bëhen thashetheme për të në shtëpi, ju si ndjeheni në këto raste?
Është gjë normale të bëjnë thashetheme për Mimozën sepse një personash me cilësi të veçanta siç është ajo, normalisht që do i nxiste banorët ta përflisnin, por nuk është për t’u mërzitur, pasi ata të gjithë po bëjnë një lojë.
A ka bërë zgjedhjen e duhur në shoqërinë që ka krijuar me disa banorë?
Po, në shumicën e rasteve ka bërë zgjedhjen e duhur, por në disa të tjera jo.
Cilët janë të gabuarit?
Adelajda dhe Lirita.
Mos të kishte qenë e lidhur me Polin, a do ekzistonte mundësia që aty brenda të lidhej me ndonjërin nga djemtë dhe me cilin?
Si e njoh unë Mimozën, ajo nuk do lidhej me asnjërin aty brenda në shtëpi edhe po të mos kishte Polin jashtë.
Çfarë mendimi ke për Bjodin meqë është një djalë që po pëlqehet shumë. As ai nuk mund të ishte tipi i duhur për Mozën nëse ajo nuk do të ishte e lidhur dhe pse?
Bjordi është djalosh i mirë por për Mimozën jo, sepse nuk është mashkulli ideal që Mimoza do dhe janë disa gjëra që Bjordi me Mimozën nuk përputhen fare.
Moza tha se nuk e dinte familja lidhjen me Polin. Tani që e mësoi si ka reaguar familja juaj?
Po, familja nuk ishte në dijeni për lidhjen e tyre. Por ashtu si rrodhën gjërat atë natë në spektakël, familja ime u habit pasi nuk dinte asgjë.
Çfarë mendoni për Polin, a është ai djali i duhur për Mozën dhe a mund të vazhdojë gjatë historia e tyre, pasi Poli njihet si një djalë që i ndërron shpesh femrat?
Poli shihet se është njeri i mirë dhe personi i duhur për Mimozën. Unë nuk mund të flas shumë për këtë gjë, dhe sa mund të zgjasë lidhja nuk mund të jap një mendim për arsye se ajo është diçka që i përket çiftit. Edhe pse Poli njihet si djalë që i ndërron shpesh femrat, mendoj se ai deri tani nuk ka dashuruar, prandaj. Pasi kur dashuron lihen aventurat dhe fillohet të forcohet ndjenja për njëri-tjetrin.
Së fundi a mendoni se Mimoza mund të jetë fituese?
Fotomodelja italiane Marianna Gatto rrëfen se si e la të fejuarin për t’u rikthyer te Bjordi.
bjordi-mariana
Je një nga të dashurat që Bjordi ka përmendur brenda shtëpisë “Big Brother”. E dije?
Po. Miku i tij i ngushtë që jeton në Itali, Jeti më tregoi për këtë, që ai më ka përmendur si një “ish”. Por unë do t’i thoja që e dua ende.
Ti komunikon ende me Jetin, mikun më të afërt të Bjordit?
Jeti është miku im, dhe miku më i mirë i Bjordit. Ai di shumë për lidhjen tonë. Por fola edhe me kushëririn e Bjordit që jeton në Shqipëri, dhe ai më tregoi se Bjordi flet ende për mua brenda “Big Brother”. Jam e impresionuar, nuk ma kishte pritur mendja.
Je në dijeni të ndonjë lidhjeje të re të Bjordit, që ka lënë jashtë shtëpisë?
Nuk e di, pasi mendoj se kam qenë e vetmja e dashur e Bjordit.
Çfarë mendon tani për të?
Është e komplikuar ajo që ndiej dhe që mund të shpreh. Unë u takova për herë të parë me Bjordin kur isha 14 vjeçe dhe pas kaq vitesh nuk mund ta harroj kurrsesi atë që kam përjetuar. Mbaj mend takimin në banesën time në Leço, në kopshtin përpara shtëpisë, ku ndodheshin dhe disa miq të mi.
Dhe çfarë ndodhi?
M’u duk shumë i pashëm. Ishte një dashuri me shikim të parë dhe direkt pas atij takimi ne filluam të frekuentonim njëri-tjetrin rregullisht. E kështu nisi një histori e bukur dashurie…
Po e quani histori, na tregoni diçka më shumë…
Ne ishim shumë të rinj dhe natyrisht nuk mund të quhet një histori serioze. U takuam në verë dhe ishte një alkimi e vërtetë. Kjo lidhje kështu vazhdoi. Pothuaj çdo verë ne vazhduam të shihnim njëritjetrin dhe flisnim shpesh në telefon. Por një prej këtyre pushimeve kur u ktheva në Leço, ai nuk ishte këtu. Kërkova të kontaktoj me të, pyeta gjithë miqtë e tij por askush nuk më tregoi se ku kishte shkuar. Kjo ishte shkëputja e parë…
Dhe si u rigjetët?
Kujtoj se ditën që u bëra 16 vjeçe e takova në plazh, kur shkova të blija një akullore. Isha shumë e lumtur kur e pashë, sepse personi që më dha akulloren ishte Bjordi. E prita sa të mbaronte punën dhe folëm për rreth katër orë. Ai më tregoi në atë verë të paharrueshme për mua, se kishte shkuar në Breshia me mamin e tij, Antonetën dhe kishte humbur telefonin bashkë me të gjithë numrat. E ftova për ditëlindjen time, ku ai më tregoi se kurrë nuk më kishte harruar, por që ishte lidhur me një tjetër vajzë. Vetëm pak ditë më vonë u nda prej saj dhe kështu ne rifilluam historinë tonë, shumë më e rëndësishme se në fillim. Mendoj se ishte dashuri e vërtetë.
Thoni që ai nuk jetonte në Leço, çfarë ndodhi me ty gjatë asaj ndarjeje?
Bjordi dinte të dashuronte si asnjë tjetër. Por gjatë viteve që ai nuk jetonte në Leço unë pata një tjetër lidhje me një tjetër djalë, me të cilin u fejova. Me kthimin e Bjordit në vjeshtë, unë vendosa t’i jepja fund lidhjes, pasi e ndjeva që kisha bërë gabim të rëndë.
Ç’mund të na thuash për vete dhe kur ke tentuar ta takosh së fundi Bjordin?
Unë jam 19 vjeçe, jam vajzë e vetme dhe jetoj e ndarë nga prindërit, vetëm me qenushin tim Maya. Studioj në lice për muzikë klasike. Në janar kërkova ta takoja Bjordin këtu në Leço, e të flisja me të, por nuk munda pasi ai kishte hyrë në “Big Brother Albania”, (fati i keq për mua).
Na thuaj ndonjë detaj të lidhjes suaj?
Ai zakonisht më fliste “Maryjane”. Më ka dedikuar një këngë, që tregon për “Maryjane of spiderman”, filmi i tij i preferuar. Kënga thotë: “Do përpiqem të bëhem i fortë për të, përpiqem të mos bëj gabime me të, por ajo nuk do të më presë mua, asnjëherë, asnjëherë…
Si mund ta përshkruash Bjordin?
Mendoj se ishte fantastik. Djali më i rëndësishëm dhe i jashtëzakonshëm që kam takuar ndonjëherë. Ai do fitojë “Big Brother”, dhe më duhet të pres. Dua ta takoj e t’i them fjalët më të mira. Ne e kuptojmë se sa shumë na ka bërë të lumtur dikush kur e humbim atë, dhe them se është e vërtetë. Por mendoj po ashtu se nëse diçka e duam me të vërtetë, i gjithë universi do të lëvizë në favorin tonë.
Për Adelajdën ç’mendim ke, po shohim një lloj afrimiteti mes tyre brenda shtëpisë?
(Qesh) Bjordi është një djalë që mund të pëlqejë shumë vajza, por që dashuron vetëm një. Shpresoj që vajza që ai dashuron, të jem unë.
Si puth Bjordi, si është në shtrat?
Shumë i mirë, por më duhet ta kujtoj pasi puthja jonë e fundit ka ndodhur në tetor 2006. Është shumë shumë i ëmbël. Mund ta konfirmoj se dhe në shtrat ka qenë i mrekullueshëm.
Si mund ta përkufizosh atë lidhje?
Isha e dashuruar. Ju s’mund ta imagjinoni dot se çfarë ndiej unë për Bjordin, edhe pse vitet kanë kaluar. Ishte dashuria ime e parë, dhe më e mira.
Je një nga vajzat e bukura të Leços, si të shohin të tjerët?
Unë punoj si fotomodele në agjencinë e modës “John Casablancas Italia” në Milano, por nuk dua t’ua them të tjerëve këtë fakt pasi Lecco është një qytet i vogël dhe shumë gjëra keqkuptohen. Gjithsesi vitin tjetër do të zhvendosem në Milano, ku do t’i përkushtohem universitetit.
Mamin e Bjordit e ke njohur?
Po kur isha 14 vjeçe. Para disa ditësh e kam telefonuar për Bjordin, kur pashë që i lexoi letrën e të atit më 27 shkurt gjatë spektaklit “Big Brother”.
Ç’mendon për babain e tij?
Mund të them se nuk ka justifikime, nëse ke braktisur fëmijën tënd. Bjordi tani është 20 vjeç dhe kur një prind nuk të ka rritur dhe nuk ka qenë pranë teje këto vite, emërtimi “baba” është thjesht një përkufizim. Më mirë për të do kishte qenë që të kontaktonte me të birin në një tjetër mënyrë, jo nëpërmjet “Big Brother”.
Do tentosh të komunikosh me Bjordin?
Shpesoj që të lexohet kjo intervistë dhe të më ndihmojë dikush që t’i dërgoj një mesazh Bjordit, ku t’i them se e pres ende.
