Zana Krasniqi do ta provojë edhe aktrimin

Ka tri javë që ka filluar punën intensive në Nju Jork si modele e agjencisë “Wilhelmina models”.

Modelja e njohur kosovare Zana Krasniqi tashmë ka marrë dhe vizën e punës në Amerikë, duke u vendosur atje për tri vite me radhë. Fotosesionet kanë filluar të bëhen përditshmëri e Zanës, saqë ajo tregon se ia ka filluar shumë mbarë.

Brenda ditës, Zana tregon se mund të ketë tri-katër fotosesione, kështu që klientët i shohin fotot e modeleve dhe pastaj ata përzgjedhin nëse mund të vazhdojë të punojë si modele apo jo. Zana për momentin po pëlqehet shumë me fotot e reja. Agjencia që punon Zana ka seli edhe në Los Angeles, ndaj modelja pritet të vendoset edhe atje ku dëshiron të vazhdojë karrierën si aktore, përpos punës si modele.

“Ata e kanë bazën si agjenci modelesh në Los Angeles, por kanë lidhje me një tjetër agjenci edhe për aktore, ndaj më kanë ofruar të bëj një test për aktrim si fillim”, tregon modelja Krasniqi.

Për të pasur sukses në këtë drejtim e ke të pamundur që punët t’i bësh vetë, pasi duhet doemos të kesh edhe agjenten që të ndihmon. Ndërsa agjentja e Zanës është një femër nga Sllovenia, që e kupton botën femërore dhe e ndihmon shumë. Dita e Zanës nis shumë herët me fitnes, ushtrime dhe shumë prova.

“Këtu ushtroj gjithmonë, vijën e trupit s’mund ta mbash pa bërë ushtrime. Merrem me joga më shumë. Është disiplinë puna e modeles”, thekson Zana.

Asaj i mungojnë të gjithë në Kosovë, por kohën e lirë më shumë bisedon me të dashurin e saj.

“Flas më shumë me të dashurin, por pak më rrallë me mamin dhe familjen”, thotë teksa tregon se ndihet e vetmuar pa të dashurin, por që edhe më herët kanë qëndruar larg njëri-tjetrit.

Vazhdo…

Fejesë pa koleget

Një festë me shumë glamour është realizuar me rastin e fejesës së rep-këngëtarit Getoar Selimi me të përzgjedhurën e tij Florenta Islami.

Mbrëmja është mbajtur këtë javë në hotel “Emerald” në Prishtinë, me të një numër të madh të ftuarish. Salla ku ishte organizuar fejesa shkëlqente nga dekori, ndërsa të ftuarit si gjithmonë të veshur me shumë shije. Thuhet se për gjithë organizimin e kësaj fejese ishte përkujdesur e ëma e Getit, zonja Florije Kemendi Selimi, e cila ishte ajo që priste gjithë të ftuarit në hyrje të hotelit së bashku me djalin tjetër, Liberianin.

Ajo që vihej re nga gjashtë albumet me fotografi që e ëma e Getit kishte postuar në profilin e saj, ishte se ndër të ftuarit dominonin shumë fytyra publike meshkuj, ndërsa mungonte gjinia femërore dhe femrat e njohura VIP.

Ndër të ftuarit, përveç familjarëve të tij, të pranishëm ishin edhe anëtarët e grupit Skillz (Ledri dhe Visari), Milot Binaku (ish i dashuri i Genta Ismajlit), stilisti Valdrin Sahiti, Noga, Drin Zatriqi (menaxheri i Dafina Zeqirit), disa rep-artistë të tjerë, që nuk janë shumë të njohur, si dhe shumë të ftuar që nuk i përkasin ekranit.

Duke e ditur që Geti ka shumë miq në muzikë me të cilët edhe ka bashkëpunuar, siç duket, asnjë nuk e kishte nderuar ose të paktën nuk ka pasur ftesa nga ai. Një tjetër arsyetim vinte se Geti me shumicën e femrave të këngës ka pasur lidhje dhe ka qenë e pakuptimtë që t’i ftojë në ceremoninë e fejesës, pasi në njëfarë mënyre do të lëndonte tashmë të përzgjedhurën e tij, Florentën, me të cilën për herë të parë ka bërë një hap drejt fejesës, ndryshe nga lidhjet e tjera që ka pasur më herët.

Vazhdo…

Lorik Cana dhe Miss Shqiperia Arnita Beqiraj lidhej e re?

Kjo festë ishte njohja e tyre por ato gjatë gjithë mbrëmjes nuk kanë reshtur së diskutuari me njëri-tjetrin. Futbollisti i kombëtares së futbollit Lorik Cana dhe Mis Albania, Arnita Beqiraj, të dy bukuroshë pa diskutim, veç Aleancës Kuq e ZI kanë gjetur edhe pika të tjera të përbashkëta mes tyre, transmeton Bluetooth. Madje ata në distancë na kanë krijuar idenë e një çifti në perspektivë… Nëse s’jemi 100 për qind të sigurt për dyshimin tonë shpresojmë të bëhet në të ardhmen.

Vazhdo…

Performanca: Noizy feat. Tuna ne “E diell”

Të dielën është shfaqur emisioni i parë për këtë sezon i “E diell” në televizionin Top Channel, kurse një prej pikave kyçe ishte shfaqja në ekran e mardhenieve intime simbolit të estradës, Tunës

Tuna do të jetë në Top Channel për këtë emision për tri muajt e ardhshëm, por ajo debutoi në mënyrë fantastike, të jashtëzakonshme, me anë të një performance live të pa parë ndonjëherë, duke treguar se ajo nuk di vetëm të zhvishet, por edhe të këndojë fuqishëm.

Atë e ndihmoi edhe një prej reperëve më të mirë, Noizy, që ta këndojë hitin “Turn My Swag On”.

Tuna madje bëri shaka, duke thënë para performancës se ajo ‘bën hip-hop më mirë’ se sa Noizy, i cili qeshi lehtë. Për më shumë, shikoni videon:

Burimi: Ekonomisti

http://www.youtube.com/watch?v=mUuP50XN4Oo

Dafina Zeqiri duet me Getoar Selimin – Geti

Këngëtarja Dafina Zeqiri që po korr suksese të njëpasnjëshme me këngët e saj, tani do të ketë edhe një bashkëpunim të ri me këngëtarin Getoar Selimi. Ajo sapo ka lansuar këngën “My Swag” e cila është realizuar në dy gjuhë, në shqip me tekst të Lyrical Son dhe anglisht nga Drin Zatriqi, që tashmë është publikuar, dhe këto ditë ajo thotë se do ta lansojë edhe versionin shqip.

Kënga duet me Getin nuk është emëruar ende, mirëpo ka gjasa të emërohet “D&G”, dhe është e realizuar në studion e Enis Preshevës. “Pas lansimit të këngës ‘My Swag’ vendosa të realizoj edhe një këngë duet me Getin, që besoj se do të pëlqehet në publik. Kjo këngë do të ketë edhe videoklipin”, ka thënë ajo për “Zërin”.

Dafina së fundi ka lansuar videoklipe të njëpasnjëshme që kushtojnë shumë, mirëpo me këtë thotë se është duke u marrë menaxheri Drin Zatriqi. “Marrëveshja ime është me produksionin ‘Imagine’ për klipin ‘My Swag’, por edhe për disa të tjera ka qenë që produksioni të sigurojë ndonjë sponzor për shpenzimet e klipit.

Ka një kohë të gjatë që bashkëpunoj me ta dhe kemi marrëveshje të tillë që nëse ata sigurojnë ndonjë sponsor për klipe, unë vetëm e paguaj diferencën e kostos”, është shprehur Drini. Sipas Dafinës, kënga bashkë me Getin do të jetë paralajmërim i albumit, i cili do të lansohet gjatë këtyre javëve dhe përmban 10 këngë.

“Albumi im quhet ‘Just Me’ i cili do të jetë me plot risi për adhuruesit e mi”, thotë ajo. Përndryshe lidhja e saj me Krenarin thotë se është duke funksionuar për mrekulli.

Burimi: Zeri

Fillojne përgatitjet për Big Brother Albania 5

Edhe në këtë vit, Top Channel do të vijë me një tjetër Big Brother Albania, i cili spektakël do të përcillet me shumë risi, edhe pse do të fillojë paksa më vonë sesa spektaklet e tjera.

Njëri prej personave që e prodhon këtë spektakël, Rezart Aga, në një bisedë me gazetën “Shekulli”, ka thënë se edhe këtë vit teleshikuesit shqiptarë, në të gjitha trojet, do ta kenë ekskluzivitetin e përcjelljes së këtij festivali që do të përcillet me plot befasi.

“Vetëm pas disa ditësh, në ekranin e Top Channel do fillojë të transmetohet reklama për audicionet”, ka thënë ai.

Pas edicionit të katërt, ku fituese për herë të parë ishte një femër, edhe këtë vit pritet që organizatorët të zgjedhin persona të ndryshëm, të cilët do të bëjnë debat dhe natyrisht edhe dashuriçkat e banorëve nuk do të mungojnë.

Por, për dallim nga viti i kaluar, kur BBA 4 kishte filluar në dhjetor, Aga thotë se tani spektakli do të fillojë në muajin shkurt.

Ai premton se edhe në këtë vit do të ketë shumë risi në këtë emision.

“Për ata të ‘merakosurit’ për faktin se do ndërrohet apo jo prezantuesja, ju themi: Jo. Prezantuesja, edhe këtë vit, për të pestin vit radhazi, do të jetë Arbana Osmani”.

Sipas Agajt, edhe këtë vit, njëlloj si vjet, do të ketë një përzgjedhje brenda shtëpisë. “Pra, nuk është e thënë që të gjithë konkurrentët që do shohim të futen natën e parë, do të jenë banorët e përhershëm”.

Ai po ashtu ka thënë se edhe në këtë vit do të ketë surpriza dhe rikonceptime në shumë aspekte, por tani preferon të mos i thotë të gjitha.

Ndërkohë, shtyrja, sipas organizatorit, është bërë për shkak të fillimit të spektaklit “Voice of Albania”, gjë që ka bërë që Big Brother të organizohet pas këtij spektakli.

Ndryshe, Big Brother Albania sjell para ekranit edhe konkurrentë kosovarë, të cilët garojnë bashkë më ata të Shqipërisë, përderisa transmetimet live nga shtëpia vinë në paketën e DigitAlb, që në Kosovë e sjell kompania IPKO.

Adelina Thaçi: Martesa, dita më e bukur e jetës

Adelina Thaçi, e cila javën e kaluar u kurorëzua me Bardhyl Metaj, gjatë një prononcimi për Telegrafin thotë se dita e martesës ka qenë më e bukura në jetën e saj.

“Vetëm disa ditë më parë unë kam pasur ditën më të bukur të jetës sime. Këtë ditë të paharrueshme dhe këto momente të bukura i kemi ndarë me familjarët tonë, njerëzit dhe miqtë e mi të shtrenjtë”.

“Ceremonia e dasmës është zhvilluar në hotelin Emerald dhe është organizuar nga një staf profesional në këtë drejtim”, ka rrëfyer Adelina për Telegrafin.

Përveç gëzimit martesor, çifti i ri, Adelina dhe Bardhi do të bëhën edhe prindër. /G. S. /Telegrafi/

Çiljeta zvogëlon gjinjtë

Çiljeta Xhilaga ka vendosur të zvogëlojë përmasat e gjoksit. Arsyeja është thjesht dhe vetëm shëndetësore. Shumëkush, këtë pjesë të trupit të bukuroshes mund ta konsiderojë si pjesën më te bukur, por për 27vjeçaren, ajo është një pjesë problematike, e cila i ka shkaktuar thuajse shtrembërim të rruazave të qafës, transmeton portali Bluetooth.

Gjithashtu, këngëtarja shpeshherë ka përfunduar në faqet e para të revistave dhe të gazetave për asnjë lajm në veçanti, por sa herë ndonjë paparac arrinte të shkrepte ndonjë foto të saj me rroba banje, ku dukeshin qartë përmasat XXL të gjoksit. Kjo është një arsye tjetër, përse Çiljetës i ka ardhur në majë të hundës gjoksi i saj dhe po mendon seriozisht për ta zvogëluar.

Megjithatë, këngëtarja heziton të bëjë një operacion të tillë para se të sjellë në jetë një fëmijë, e cila është një dëshirë që ia kalon të gjitha dëshirave të tjera.

Noizy, albumin e ri me djalin nga Prishtina

Reperi nga Shqipëria, Noizy, është duke punuar në albumin e tij të dytë që pritet të përmbajë plot 22 këngë, ndërsa për mediat shqiptare ai ka deklaruar se në këtë album është duke punuar së bashku me një 16 vjeçar qe konsiderohet si gjeni i muzikës.

Bëhet fjalë për djaloshin 16 vjeç të quajtur Durim Kid, i cili jeton në Zvicër, ku dhe aktualisht është duke qëndruar Noizy. Durim kid shquhet për aftësitë e tij në miksim dhe masterizim, ashtu si dhe në këndim, gjë që ka bërë që ai të marrë oferta nga produksione të mëdha amerikane.

Vet Noizy për albumin e ri që do të publikohet pas mixtape “Living your dream”, është shprehur për Panorama Plus se ai është një album i çmendur, ashtu si vet jeta e tij.

Vazhdo…

Kaltrina Selimi: Ndoshta martohem vitin e ardhshëm

Në një intervistë dhënë për portalin Gjuhashqipe.com, këngëtarja Kaltrina Selimi ka treguar se është duke punuar rreth projektit të saj të radhës. Edhe këtë vit do të jetë prezentë nëpër të gjitha televizionet tona ku edhe ka filluar përgatitjet rreth projekteve dhe gardërobës për xhirimet e programeve festive. Kaltrina as nuk e pohon as mohon nëse vitin e ardhshëm do të martohet. Mirëpo, thotë se nuk do të këndojë në natën më të lumtur në jetën e saj.

Vazhdo…