Këngëtarja Leonora Jakupi është zgjedhur këngëtarja më e bukur, në një anketë të zhvilluar nga një e përditshme në Kosovë, duke fituar 616 vota ose 30 për qind të të anketuarve. Në anketën pesëditore të “Kosovapress-it” se “Cila prej këtyre këngëtareve mendoni se është më e bukur”, kanë votuar gjithsej 2084 persona, prej të cilëve 616 votën e tyre ia kanë dhënë këngëtares Leonora Jakupi, e cila u bë fillimisht e njohur me këngën “Po vritet pafajësia”. Leonora, është shprehur se ndihet mirë që ka fituar si femra më e bukur. Ajo ka falënderuar të gjithë adhuruesit që kanë votuar për të, duke thënë se pamja e jashtme është dhuratë prej Zotit, por kjo bukuri duhet të plotësohet me gjëra të tjera, në të kundërtën bukuria është e pavlefshme. “Më tepër e vlerësoj bukurinë e brendshme se sa atë të jashtme”, ka thënë Leonora. Në anketë kanë marrë pjesë Leonora Jakupi, Genta Ismajli, Zanfina Ismajli, Kaltrina Selimi, Nora Istrefi, Jehona Sopi. Pyetjes se cila prej këtyre këngëtareve mendoni se është më e bukura, me “asnjëra” janë përgjigjur 526 persona, ose 25 për qind. Në vendin e tretë për nga numri i votave, radhitet këngëtarja e cila këtë vit e ka quajtur vit të angazhimeve të mëdha dhe me “bereqet”, Genta Ismaili. Pas saj vjen, ajo që nuk do ta shohim me vello të bardhë në të ardhmen e afërt, sepse veten më së paku e sheh si një grua të martuar. Është fjala për Zanfina Ismajlin. Më pak vota ka marrë këngëtarja që njihet me buzëqeshje të bukur, Jehona Sopi.

leonora jakupi 300x300 Sondazhi, Leonora Jakupi, kengetarja me e bukur

leonora-jakupi