Ka kohe qe ne internet jan shfaqur disa foto te kengetares Altuna Sejdiu dhe aktorit shqiptar Blerim Destani te cilet ishin duke festuar ne nje pub filluan thashethemet per nje lidhje mes tyre.

Altuna Sejdiu ka bere nje intervise me gazeten “INA” nga Maqedonia. Ajo u shpreh qe thashetehemt e fundit per lidhjen e saj me Blerim Destanin nuk jan aspak te verteta.

Per te lexuar intervisten e plote vazhdoni tek:

Tuna, jemi kureshtar të dimë të vërtetën e rrotullimit të një lajmi në forma të ndryshme, ku përshkruhet një lidhje e juaj me aktorin Blerim Destani. Si qëndron në të vërtetë puna?

Unë i përgënjeshtroj këto thashetheme të fundit dhe aspak nuk janë të vërteta. Nuk e kuptoj se si dikush mund të shkruaj “e dashuruar”. Në qoftë se të kanë parë me dikë është diçka tjetër, por të thuash ‘e dashuruar në dikë’ është tjetër. Këtu janë në pyetje emocionet dhe nuk e di se si dikush i dallon emocionet e mia. Ndoshta edhe ky është ndonjë ‘burim i afërt’.

Si ka shkuar kjo verë e 2011-ës për ju?

Këtë verë gjithë koncentrimi im kanë qenë koncertet dhe eventet e ndryshme. Mandej edhe promovimi I këngës dhe videoklipit “E para dhe e fundit”.

Ju tani shfaqeni me hitin “Dyshemeja”. Adhuruesit e vlerësojnë si një krijim të mirë muzikor. Si e keni ndjerë këtë këngë ?

Adhuruesit janë kritikët më të mirë për mua. Nuk është modeste që unë ta vlerësoj gjithçka që mund të them është se qe nga fillimi kam besuar në këtë baladë dhe e kam ditur që nuk i takon këngëve sezonale. Dyshemenë e kam ruajtur në sirtar për disa vite, dhe erdhi në këtë moment rastësisht.

A e presim ndonjë të ashtuquajtur “mega – hit” siç ishte “Ditën ta boj natë”, një hit i 2009 ?

“E para dhe e fundit” është një prej këngevë më shumë potencial të bëhet Mega-hit nëse mund t’i quaj kështu si kënga “Ditën ta bej natë” apo “Vibe” apo ” E Boj Nxet”…Koha do ta tregojë!

Jemi në dijeni se keni pranuar një ftesë nga “Top Channel” për të konkurruar në “Top Fest”. Ka ndonjë arsye që nuk ishe e pranishme në festivalin e fundit ?

Në përgjithësi marr ftesë nga festivalet tona dhe ju falënderoj për vlerësimin që më bëjnë…Arsyeja pse vitet e fundit po stagnoj sa i përket këtyre kompeticioneve është që nuk më sfidojnë si në fillimet e mija, edhe pse nuk mund ta mohoj faktin që janë ideal për të promovuar një projekt te ri!

A ka gjasa që e shohim Tunën ndoshta në të ardhmen në festivale ndërkombëtare si në MTV-Music Aëards ?

Pse jooo!:)

A ka qenë me rëndësi për ty që të përkujdesesh edhe për studimet, jetën tënde të lirë, në vend që të merresh vetëm me karrierën në muzikë ?

Pa diskutim që po. Katër vitet e fundit e kam pasur shumë vështirë të menaxhoj karrierën dhe studimet paralelisht, në veçanti dy vitet e fundit në Selanik. Tani që kam diplomuar nuk mendoj që përfundoj me kaq, vetëm që kam vendosur ta shijoj dhe t’i fokusohem karrierës këto vite derisa në ndërkohë të vendos magjistraturën.

Mendoni se origjinaliteti dhe diversiteti është më i kërkuar tek publiku, se sa një stil “Primadonë” ?

Origjinaliteti pa dyshim është. Nuk ka logjik të ekzistojë një artistë më saktë një këngëtarë nëse nuk e ka “vulën e vet”, do të thotë kur në radio do të këndohet një këngë të njihet në 3 sekondat e para se kush e këndon. Këtë gjë tek estrada jonë shumë pak artistë që e kanë.

Blerim Destani: Preferoj të jem në media për punën time

Ndër të tjera vetë actori i njohur shqiptar Blerim Destani, I cili vazhdimisht është i përfolur nga mediat për jetën e tij private dhe statusin social ka dhënë edhe një koment para pak ditësh lidhur me këto spelulime. Ai ka thënë se nuk e pëlqen shumë këtë lloj publiciteti dhe mënyrën se si mediat shkruajnë për jetën e tij private. “Unë preferoj që të jem prezent në media vetëm me punën dhe veprat e mia, por realiteti ynë është ai që është”, ka thënë Destani. Ai është thënë të jetë në lidhje me bukuroshen Anxhela Martini, prezantuesen Albana Osmani, modelen Arita Fejzullahu, e së fundit me këngëtaren Tuna, për të cilat Destani ose s’ka pranuar të flasë ose i ka mohuar!

Arsyeja pse mori fund lidhja e bujshme e këngëtares maqedonase Altuna Sejdiu me Mertin, vëllain e Bertan Asllanit. Ajo rrëfen për herë të parë për gazetën “Panorama” se nuk është e lidhur për momentin, dhe se me Mertin s’ka qenë asnjëherë e fejuar.

Tuna me çfarë po merreni aktualisht në krijimtarinë tuaj muzikore?

Për momentin po punoj me disa projekte muzikore të cilat dua te mbeten sekret për publikun.

Jeta juaj në Selanik, ndërsa vazhdoni studimet atje cila është?

Jetë e rëndomtë studentore, me shumë shopping. Një vajzë rebele dikur në skenë, tani e maturuar e natyrisht me më shumë klas.

Ku mendoni se ju çon ky imazh i ri?

Vitet bëjnë të vetën. Nuk do të thotë që nuk jam më rebele nëse vesh diçka më serioze…Rebelizmin thjesht e kam në gjak

Jeni shprehur për një bashkëpunim tjetër me këngëtar shqiptar, pas duetit me Jonida Maliqin. Por që këtë herë do të ishte këngëtar mashkull. Është konkretizuar diçka?

Po.Së shpejti fansat e mi do të kenë mundësinë të dëgjojnë një këngë të re në duet, për të cilën nuk dyshoj që do të behet hit.

Kur nxorët klipin “Bileta”, u përfol për një ngjashmëri me “Back to Black” të Amy Winehouse. Në ç’pikë do dëshironit t’i ngjasonit kësaj këngëtareje, dhe ku jo?

Kjo ishte shumë e rastësishme me që “Bileta” u inçizua shumë më herët. Ndërsa sa do të doja t’i ngjasoja kësaj këngëtareje për momentin aspak!

Ju jeni e pranishme shpesh në jetën artistike shqiptare. Çfarë u bën të mos mungoni asnjëherë, dhe për ç’arsye nuk do të shkelnit më në Tiranë?

Nuk kam arsye pse mos të shkelja në Tiranë, kam shumë fansa dhe nuk ka diçka që do të më pengonte për momentin.

As ju nuk u keni shpëtuar thashethemeve për foto nudo në internet. Si do i komentonit?

Komentet nuk më lënë përshtypje aspak. Ajo që më intereson është suksesi si këngëtare, dhe deri tani ka qenë vërtet i madh. Nuk ka kënaqësi më e madhe se kjo.

Por këtë vit ju jeni përfolur në media më shumë për jetën tuaj private. Cila është e vërteta e ndarjes nga Merti Asllani?

Nuk jam e lidhur më me Mertin, dhe nuk kam pasur asnjëherë fejesë apo diçka e ngjashme.

Është e vërtetë që Merti ju ka tradhëtuar?

Është shumë private kjo pyetje dhe është një temë që u përfol shumë nëpër mediat në Kosovë dhe Maqedoni.

Por nuk e mohoni?

Gjithçka ka qenë një shpifje e mediave kosovare dhe maqedonase.