Në të gjitha forumet dedikuar “Big Brother”, zyrtare apo ata të fansave, është në mënyrën më absolute djali që pëlqehet më shumë. Në fillim të gjithë e komentonin për pamjen e tij por me kalimin e ditëve, fansat mendojnë se krahas bukurisë, Arjon Muça ka edhe zgjuarsi. Ka kaluar disa eksperienca në jetë, kjo edhe falë jetës së tij në Itali, të cilat e kanë pjekur para kohe. Natyrisht në profilin që ai ka vizatuar për veten, nuk ka asnjë shenjë modestie, por të jesh koshient për vlerat që ke, nuk ëshstë ndonjë gjë negative. Arjoni gjatë këtyre ditëve, në shtëpi ka ditur të krijojë gjuhën e komunikimit dhe të tërheqë vemendjen e banorëve të tjerë. I kthyer mbas disa vitesh jashtë shtetit, nuk ka qenë e vështirë rinisja e një jete në Tiranë me një familje që e ka mbështetur fort. Mamaja e tij Jona Muça, një stiliste shumë e njohur, ka ingranuar në punët e saj Arjonin por edhe Frensisin, motrën e tij. Edhe e motra është një vajzë shumë e bukur, gjë që na bën të mendojmë se bukuria ekzistoka me bollëk në familjen Muça. Më shumë për jetën e Arjonit, do iu njohim në javët në vazhdim.

publikoje ne Facebook

Tashmë në Kavajë, e dinë të gjithë. Pjesëmarrja në reality show e konkurentes, Adelajde Ljushka, i ka kushtuar asaj divorcin nga bashkëshorti, Agron Ljushka.
Nusja e familjes kavajase, ishte bërë pjesë e aplikimit në emisionin Big Brother pa dijeninë e pjesëtarëve tjerë te familjes së bashkëshortit. Madje, sipas babait të Agronit, as bashkëshorti i saj nuk dinte gjë për aplikimin.
“Ajo e ka bërë çdo gjë në kokën e saj pa na pyetur fare. Të them të drejtën ne si familje na ka vrarë shumë opinioni publik, pasi Kavaja është vend i vogël, – na thotë babai i Agronit, ish-vjehrri i Adelajdes, Azemi.
Po nëse ajo do tregonte a do rridhnin gjërat ndryshe? Azemi thotë:
“Edhe nëse ajo do të na kishte treguar që dëshiron të marrë pjesë në një emision të tillë, përsëri ne nuk do të ishim dakord, por do t’i thoshim që nuk është gjë e mirë pjesëmarrja në atë emision dhe se këtë duhet ta vendosë me burrin e saj që është edhe djali ynë”.
Babai i Agronit, na tregon se si rrodhën ngjarjet që prej ditës kur djali i tij mori vesh që nusja ka aplikuar në Big Brother albania.
“Kishim vënë re që djali nuk ndjehej fare mirë, rrinte gjithë kohës i mërzitur, por nuk shprehej se ku qëndronte problemi. Një ditë erdhi dhe më takoi në qendër të qytetit dhe më tregoi gjithçka. Të them të drejtën u zhgënjeva shumë nga sjellja e nuses, por prapë mendova që kjo do të kalonte. Kur kjo u shtrua për diskutim në familje dhe morëm një përgjigje negative nga Adelajdia, atëherë e pamë që ishte një situatë që po e çonte martesën e tyre drejt dështimit”.
Duke qenë kavajas të vjetër, familja e Agronit, është ndier keq. “Na ka trishtuar së tepërmi kjo histori, pasi unë një djalë të vetëm kam dhe të vijë nusja e të na bëjë qendër të vëmendjes së botës për keq, kjo nuk është e drejtë.” Kështu e quan Azemi gjendjen e krijuar që kur nisi diskutimi brenda familjes e deri kur kjo u bë publike dhe e morën vesh të gjithë njerëzit.

Kur familja Lushkja e pa të pamundur që ta bindë Adelajden për të mos marrë pjesë në Big Brother, atëherë Agroni filloi ta ndjekë këtë çështje në rrugë ligjore, duke kërkuar divorcin.
“Bisedimet nuk bënin më punë, pasi nusja e kishte vendosur të bëhej e famshme”-thotë Azemi. “Djali im nuk mund të pajtohej me këtë mendim. Shfaqi shenja xhelozie me të drejtë, sepse ata u martuan me dashuri. Nuk është se ja dhamë ne të familjes nusen dhe midis tyre nuk kishte bashkëbisedim apo mospërputhje karakteresh”.
Aktualisht Agroni është në punë si shofer tek zjarrfikësja e qytetit të Kavajës dhe njëkohësisht ndjek studimet e larta për inxhinjeri-mekanike.
Që prej kohës kur ka ndodhur ndarja me bashkëshorten Adelajden, ai shfaqet pak në publik, pasi i duket sikur opinioni po e dënon. Kanë nisur të qarkullojnë fjalët se ata u ndanë se Agroni luante shumë me lojëra fati, që pinte alkool, por miqtë e tij e kanë quajtur njeri shumë të rregullt.
Sipas të atit i vetmi qëllim i ndarjes së Agronit me Adelajden ishte pjesëmarrja e saj në këtë emision. – Ne e dinim fare mirë që e gjithë dynjaja do të merrej me muhabetin tonë, duke na bërë biografinë sa herë që të shihnin nusen e djalit tim në televizor – na përcjell me pamje të mërzitur Azemi.

publikoje ne Facebook

Bjordi, djali simpatik pjesëmarrës në Big Brother albania, shumë shpejt ka arritur bjerë në sy nga teleshikuesit. Kjo falë mënyrës së tij të sjelljes dhe lojës që po përdor në këtë realit show. Ishte vetëm 2 vjeç kur është larguar nga Shqipëria. Prej 18 vitesh jeton në Itali dhe kjo duket nga mangësitë që ka në gjuhën shqipe.

Vetë Bjordi është shprehur para se të merrte pjesë në spektakël se do ta përdorë si trampolinë për tu bërë i njohur. Javën e parë ai është shfaqur mjaft aktiv në shtëpinë e BB duke treguar më shumë afrimitet me Mozën. Kjo sjellje e të dyve ka rënë në sy edhe të banorëve të tjerë të cilët nuk kanë ngurruar të hedhin hije dyshimi mbi miqësinë e tyre. Mos ndoshta mes tyre ka më shumë se një ndjenjë miqësie…? Kjo vlen për tu parë. Preferon aktrimin dhe ka pohuar së është menaxhues i çdo lloj situate. Por gazeta ka siguruar disa foto të Bjordit, të cilat hedhin hije dyshimi për preferencat e tij seksuale. Në foto gjendet Bjordi dhe dy meshkuj të tjerë, të tre të veshur si femra. Duket qartë se Bjodri dhe dy miqtë e tij janë gjendur përpara aparatit në një moment ekzaltimi mes tyre. Madje ata kanë arritur edhe të krijojnë gjoks artificialë duke u dukur në këtë mënyrë ….shikoni vetë! Ajo që të bën më shumë të dyshosh për këtë “treshe” shokësh është se njeri prej miqve të tij mbi shkrimin e vendosur ne facebook pohon se: Nuk jam i gatshëm të jap vlerësime sepse nuk jam gay!

Duket se ky “reality” do të na përcjelli shumë surpriza deri në fund, dhe vetë banorët jashtë mureve të shtëpisë kanë pasur në jetën e tyre mjaft gjëra që vlejnë për tu zbuluar. Një prej tyre ishte rasti i vajzës nga Kavaja, i publikuar dje nga “Shekulli”. Adelajda, ka braktisur shtëpinë e saj vetëm për të marrë pjesë në këtë spektakël. Ajo madje është ndarë edhe nga bashkëshorti pasi ai ishte kundra.

publikoje ne Facebook

Spektakli i se shtunes per 14 personazhet e shtepise se Big Brother pervec surprizave ka sjelle edhe ethet e eleminimit. Pasi eksperimentuan per nje jave bashkejetesen ne shtepine e monitoruar ne mes momentesh te paharruara per ta, tashme kane nisur te shfaqen ankthi e tensioni per te 14 konkurentet.

Ata kane perzgjedhur personat qe mendojne se nuk u pershtaten karakterit te secilit dhe duhet te lene shtepine ne fundin e javes qe vjen. Te nominuarit per kete jave jane perzgjedhur Erjola dhe Zhulieta.

Por personi qe do te lere shtepine javen tjeter do perzgjidhet nepermjet mesazheve te teleshikuesve, te cilet duhet te votojne per personin qe do te dale nga shtepia.

Spektakli i se shtunes ofroi surpriza te kendshme jo vetem per teleshikuesit por edhe per vete banoret. Adelajdes i eshte mundesuar nje bisede telefonike me te fejuarin e saj.

Qetesori ka degjuar nje mesazh te ngrohte nga bashkeshortja e tij. Nje mesazh surpirze ka ardhur per Aiden nga shoku i saj, ndersa Dritani ka mundur te takoje te fejuaren ne studio.

Nderkohe qe ne javen e pare banoret ishin vene ne prove nga Vellai i Madh te interpretonin pjese per dashurine pasi spektakli perkoi me festen e Shen Valentinit, prove e cila eshte kaluar me sukses nga banoret cka nuk u cenoi atyre buxhetin per javen e ardhshme.

Per gjate nje jave 14 personazhet e perzgjedhur jane perpjekur te njohin sa me mire njeri-tjetrin duke krijuar edhe shoqeri mes tyre.

publikoje ne Facebook

Pasi kanë pirë cigaren të gjithë banorët janë mbledhur së bashku në shtëpi dhe diskutojnë mbi një temë mjaft delikate, pikërisht atë të lidhjeve mes personave të të njëjtit seks. Të gjithë pohpojnë se nuk janë aspak paragjykues, madje këmbëngulin që shoqëria duhet ti pranpojë. Aida edhe pse nuk është aspak dyshuese për bindjet e saj, pranon se nuk do të joshej kurrë nga një femër tjetër për qëllime seksuale. Dritani ka theksuar se seksi mes të njëjtin seks nuk mund të jetë paragjykues, nëse shihet si një marrëdhënie krejt intime, ndërkohë që Lirita këmgëngul se në realitet sjelljet seksuale nuk janë aspak identifikuese për gjithsesilin dhe për më pak diskriminuese, por janë zgjedhje të cilat kushdo i ka bërë që kur ka qenë adoleshent. Më pas banorët kanë diskutuar për ushqimet që kanë mbërritur në shtëpi, ku veçanërisht vajzat kanë qenë më të interesuara me sistemimin e tyre, ndërsa djemtë kanë vijuar me një temë më mashkullore, pikërisht futbollin.

me shume

publikoje ne Facebook

Bjordi “Ika nga Shqipëria kur isha 2 vjeç”

Bjordi për herë të parë u tregon banorëve të tjerë përse nuk flet shumë mirë gjuhën shqipe. Ai pohon për djemtë se e kujton largimin e tij nga Shqipëria që kur ka qenë 2 vjeç. Megjithatë rrëfen se ka mundur që të mbajë gjallë gjuhën shqipe falë bisedave me familjarët e tij. Ai thotë se ka ardhur vetëm për pushime në Shqipëri dhe shumë fjalë shqip i ka mësuat nga kontaktet që ka pasur në traget me të tjerë shqiptarë që i ka njohur rastësisht. Dritani ndryshon temën e bisedës dhe u thotë djemve të tjerë se në dush ka kamer. Kjo gjë duket se i vë në siklet të tjerët të cilët fillojnë të qeshin, por Arjoni sqaron se vetëm në banjë ka kamer dhe jo në dush, pasi është një mjedis shumë intim.

big brother albania

publikoje ne Facebook

Shtepia me e famshme e shqiptareve hapi dyert me 7 shkurt ne oren 20.45 per banoret, te cilet permes nje bashkejetese televizive do te ndajne me publikun jeten e tyre private.

Kete vit ka shume ndryshime, shtepia do te vije ne nje pamje krejt te re dhe personazhet jane vertet te vecante.

Arbana Osmani, drejtuese e programit thote se spektakli do te jete plot supriza, ndersa shikuesit mund te zbulojne cdo gje vetem sot ne mbremje.

Banoret e Shtepise se Big Brother 2 do te jene si meposhte:

Arjon Muca – Pjesemarres i Big Brother Albania 2

Datëlindja: 22 prill 1985 Horoskopi: Demi Mosha: 23 vjec Vendlindja: Vlorë Vendbanimi: Tiranë Gjendja civile: Beqar Flokët: Kafe Shenja të vecanta: Vath në vesh, një tatuazh në shpinë (dy iniciale emrash) dhe një tjetër tek krahu (ylli pesëcepësh). Këtë të fundit e ka bërë bashkë me një shoqe. Gjendja civile: Single Gjuhë të huaja: italisht, pak gjermanisht Stiliste e preferuar: Jona Muca Objekte pa të cilat nuk bën dot: teknologjia, veshjet, kapuci, xheli i flokëve. Flokët i ka shumë merak. Qethet dy herë në muaj. Gatimi: Gatuan mirë pjatat e para Gjella e preferuar: Fasulet Arsimi: I lartë Profesioni: Art designer Hobi: ModaKarakteristika: Simpatik, vishet bukur. Të gjitha rrobat ia stilon e ëma. Ka jetuar 15 vjet në Itali. Tani ndihmonë të ëmën, (Jona Muca, stiliste) në sfiltatat e saj, të cilat i organizon vetë Arjoni. Ka pasur nëj lidhje 10 vjecare kur ka qenë në Itali, por tashmë ka mbaruar. Pretendon se është i bukur, i zgjuar dhe i edukuar. Në Itali ka jetuar me familjen. Mendon të ndjekë një strategji po hyri në BB: nuk do ta nxjerrë në pah karakterin e tij që në fillim. Në përgjithësi ka raport të mirë me femrat.

***************************

Lirita Halili – Pjesmarrese e Big Brother Albania 2

Mosha: 22 vjec Vendlindja: Prishtinë Vendbanimi: Prishtinë Gjendja civile: Beqare Sytë: Të zinj Flokët: Të zeza Arsimi: I lartë, Shkenca Komunikimi Profesioni: Shitëse në një butique Hobi: Shkencat e komunikimit dhe psikologjia, muzika dhe festat.Do të hyjë në Big Brother sepse: Do të përfaqësojë vendin e vet, duke treguar karakterin e saj të drejtpërdrejtë. Karakteristika: Simpatike, e komunikueshme me të gjithë. Mendon se shkolla që ka mbaruar e ndihmon në marrëdhëniet me njerëzit. Mund të përshtatet me këdo.

*************************

Adelajda Xhamani – Pjesemarrese e Big Brother Albania 2 Mosha: 22 vjec
Vendlindja: Kavajë
Vendbanimi: Kavajë
Gjendja civile: E fejuar
Flokët: Të kuqe
Arsimi: I lartë, Cikël i Ulët
Profesioni: Mësuese e Letërsisë dhe Gjuhës Shqipe në Luz të Vogël të Kavajës.
Hobi: Muzika, letërsia

Do të hyjë në Big Brother sepse: E ka ëndërr, megjithëse nuk e lënë familjarët dhe ka ardhur pa lejen e tyre. E njëjta gjë ndodhi dhe vitin e kaluar, ku nuk mundi as të bënte aplikimin.

Karakteristika: Në Kavajë njerëzit janë fanatikë, por ajo e kundërshton këtë fenomen. Thotë se, po fitoi, do hyjë në shtëpi dhe nuk ka për ta ndaluar asgjë. E prezanton veten si vajzë normale, të thjeshtë dhe të komunikueshme. Është tip i qetë në përgjithësi. Miqësohet shpejt. I fejuari i saj është shofer zjarrfikëseje në Kavajë. Nuk përputhen shumë me njëri-tjetrin, madje ai është dhe pak xheloz. Pëlqen të kërcejë dhe të argëtohet. I vetmi moment argëtimi për të janë aktivitetet që organizon me fëmijët e shkollës. ********************************

Qetsor Ferunaj – Pjesmarres i Big Brother Albania 2 Datëlindja: 25.12.1975
Horoskopi: Bricjapi
Mosha: 33 vjec
Vendlindja: Dukat
Vendbanimi: Orikum, Vlorë
Gjendja civile: I martuar, me një fëmijë (djalë)
Besimi: agnostik
Shenja të vecanta: një code bar, tatuazh në krah. Më vonë tek code bar-i do vendosë datëlindjet e fëmijëve. Ka dhe një shenjë të care në ballë, që e ka si pasojë e një aksidenti në Itali.
Arsimi: I lartë

Do të hyjë në Big Brother sepse: I duhen vetëm 30 mijë Euro për biznesin e tij, një hotel që ka nevojë për disa restaurime.

Karakteristika: Djalë i shkathët dhe me humor. I shoqërueshëm dhe i paparashikueshëm. Ka jetuar 3 vjet në Itali. Tani punon në Shqipëri dhe me paratë që fiton mban familjen dhe nënën. I ati i ka vdekur në një aksident rrugor. I zgjuar dhe dinak, i aftë të përshtatet me këdo. Ka bërë nëj kontratë me shtetin italian, që në rast vdekjeje t’i dhurojë organet e tij. Intrigant. Nuk punon më si inspektor kulture prej pak kohësh. Ka 2 shtëpi. Është duke përfunduar hotelin dhe për ta përfunduar i duhen 30 mijë Euro. Pëlqen Anthony Hopkins. Do të ketë 3 fëmijë. Nusja është kontrollore në paraburgimin e Vlorës. Pëlqen Viktor Hygonë. Mban gjithmonë orë me vete. Më shumë para shpenzon për motive pune. Hotelin e ka në Orikum. Ka punuar si ndihmës-kuzhinier në Itali.
*********************************

Erjola Jolldashi – Pjesemarrese e Big Brother Albania 2

Mosha: 25 vjec Vendlindja: Elbasan Vendbanimi: Kucovë, së fundi ka ardhur në Tiranë Gjendja civile: E martuar me një fëmijë Sytë: Gështenjë Flokët: Të verdha Arsimi: I lartë. Vazhdon studimet për Agro-Biznes, Viti II, Elbasan. Profesioni: Ndihmon burrin në biznesin e fruta-perimeve Hobi: Llafet! Do të hyjë në Big Brother sepse: ka shumë energji pozitive që do donte t’ua transmetonte dhe të tjerëve.Karakteristika: Thotë që është tip karizmatik, e aftë të përshtatet me cdo grup shoqëror. Mendon se BB është një trampolinë e mirë për njerëzit si ajo që kanë aftësi në fusha të ndryshme e që nuk kanë mundësi të tjera për t’i shpalosur ato. Zotëron anglishten, italishten, greqishten dhe pak turqisht. Ka jetuar 2 vjet e gjysmë në Greqi. Është shumë e shkathët dhe di të përshtatet me cdo lloj situate. Ka bërë profesione që gjithmonë kanë pasur kontakte me njerëzit. Tip i sfidave dhe që nuk dorëzohet lehtë para vështirësive.

*************************

Ardian Pojana – Pjesemarres i Big Brother Albania 2 Mosha: 40 vjec
Vendlindja: Tiranë
Vendbanimi: Tiranë
Gjendja civile: Beqar
Profesioni: Marketing tek “Moving Culture”
Hobi: Muzika, Oasis, futbolli anglez
Do të hyjë në Big Brother sepse: do të njohë njerëz të rinj dhe të fitojë para.

Karakteristika: I hurit dhe i litarit. Bën gallatë me të gjithë. Dinak, i paparashikueshëm, por në brendësi tip i qetë dhe jo shumë impulsiv, në impresion të parë. Pranon shakatë. Nuk ka paragjykime. Është shumë i ri për moshën që ka. Adhuron Oasis dhe vishet si ata. Ka pasur një jetë mjaft të komplikuar.
*******************************

Pavlin Polia – Pjesemarres i Big Brother Albania 2 Datëlindja: 30 shtator 1981
Mosha: 27 vjec
Vendlindja: Theth, Shkodër
Vendbanimi: Theth, Shkodër
Gjendja civile: I divorcuar
Gjuhë të huaja: italisht dhe pak anglisht
Instrumenta: Pak kitarë
Profesioni: I papunë
Hobi: Turizmi

Do të hyjë në Big Brother sepse: do të tregojë historinë e jetës së tij, të japë një mesazh pozitiv dhe të fitojë cmimin e madh, të cilin do e përdorte për të hapur një zyrë informacioni për turistët në zonën e Thethit.

Karakteristika: I urtë, i duruar, shumë i rrahur nga jeta. Është i ndarë nag gruaja për cështje kanuni dhe nuk e shikon më fëmijën e tij. Nuk e ka problem ta diskutojë këtë temë në shtëpi. Ka jetuar 9 vjet në Itali. Tani do të donte të bënte dicka më shumë për vendin e vet dhe BB do ta ndihmonte shumë për ta realizuar këtë. Është i duruar dhe nuk nervozohet lehtë. Nuk do të jetojë më me “sytë mbyllur”.
********************************

Dritan Shehaj – Pjesemarres i Big Brother Albania 2

Mosha: 26 vjec Vendlindja: Gjirokastër Vendbanimi: Tiranë Gjendja civile: I fejuar Arsimi: I lartë, Fakulteti i Drejtësisë/ Universiteti Ushtarak “Skënderbej” Profesioni: Këshilltar ligjor në brigadën e mbështetjes rajonale/ Forcat e Armatosura. Hobi: AvokatiaDo të hyjë në Big Brother sepse: do donte të bëhej publik për të shpalosur aftësitë e veta në Avokati, ëndrra e tij. Karakteristika: Djalë i edukuar dhe mjaft inteligjent. Do donte të ushtronte profesionin e avokatit. Është i fejuar, pak xheloz. Nga BB i kaluar preferonte më shumë Olsin dhe më pak Rominën. Difekti i tij më i madh është që është pak impulsiv, por nuk arrin kurrë në kontakt fizik me dikë. Është i drejtpërdrejtë me dikë, respekton mendimet ndryshe. Ka besim në aftësitë e veta. Është deri diku mosbesues, herë-herë indiferent. Urren njerëzit që shtirren. Nuk bën kompromis me askënd për të fshehur bindjet e veta. Nuk ka jetuar jashtë. Shumë rrallë konsumon alkool. Në punë përdor veshje ushtarake, por kapelen nuk e vë.

****************************

Aida Troka
Nuk ka ende nje pershkrim per te.
*****************************

Bjordi Mezini – Pjesemarresh i Big Brother Albania 2 Mosha: 20 vjec
Vendlindja: Durrës
Vendbanimi: Lecco, Itali
Gjendja civile: Beqar
Profesioni: Pronar i agjencisë së ndërtimit “Domus Nova” në Itali
Hobi: Artet, kinemaja

Do të hyjë në Big Brother sepse: ka vite që është larg Shqipërisë dhe do ta përdorë si trampolinë për t’u bërë i njohur.

Karakteristika: Djalë simpatik dhe shumë i edukuar. Ka pak vështirësi me gjuhën, sepse është larguar nga Shqipëria që në moshën 2 vjecare. Në Itali ka një agjenci ndërtimi, të cilën e drejton vetë. Ka mundësi të mira ekonomike, por i kane thënë që në Shqipëri ka mundësi të mira për të realizuar ëndrrat. Ëndrra e tij është të bëhet aktor ose kineast. Adhuron kinemanë, pëlqen Mastroiani-n, Fellini-n, etj. Do donte të bënte një shkollë arti në Shqipëri. Është patriot. Thotë që jeta e tij është si një spektakël. Është menaxhues i cdo lloj situate.
*******************************

Mimoza Krasniqi Nuk ka ende nje pershkrim per te.
******************

Agon Radoniqi

Mosha: 27 vjeç

Vendlindja: Dukat

Vendbanimi: Prishtinë, Kosovë

Gjendja civile: Beqar

Besimi: Ateist

Shenja të veçanta: Tatuazh në kraharor me fytyrën e Che Guevara-s

Arsimi: I lartë

Do të hyjë në “Big Brother” sepse: Do të tregojë që është në gjendje të bëjë çudira

Karakteristika: Antikonformist, i pëlqen gjithmonë të kundërshtojë të tjerët. Ka studiuar menaxhim dhe ka punuar si përkthyes me portugezë të KFOR-it në Kosovë. Për tetë vite, ka drejtuar një emision radiofonik në një radio privatë në Prishtinë. Në dhomën e tij, çdo objekt ka fytyrën e Che Guevara-s. Nuk lë film dhe ndeshje futbolli pa parë.

publikoje ne Facebook

Top Channel ka risjelle me sukses mbremjen e djeshme per te dytin vit radhazi Big Brother albania, apo Vellain e Madh, i cili do te vezhgoje shtepine me te famshme te shqiptareve.

Aty do te bashkejetojne 14 banore, te cilet do te ndajne me publikun jeten private. Ky reality show, i prezantuar nga Arbana Osmani u dhuroi nje mori surprizash teleshikuesve te Top Channel dhe DigitAlb.

Bashke me te ne studio ishte i pranishem fituesi i Big Brother 1, Arber Cepani dhe Virusi, nje prej konkurrenteve te edicionit te sivjetshem, i cili humbi te drejten per te qene e pjese e shtepise, bazuar mbi rregulloren e shkruar te “Vellait te Madh”.

Eno Popi shoqeroi te gjithe banoret, pak para se te kalonin pragun e shtepise. Te paret qe hyne ishin 7 konkurrentet djem, te cileve iu tha se loja perjashton banoret vajza.

Pasi perjetuan gjendje te ndryshme emocionale, banoret meshkuj u ndjene te cliruar kur ne shtepi mberriti vajza e pare, nga Lazarati e keshtu me radhe te gjitha konkurrentet e tjera.

Big Brother eshte i vetmi program ne Shqiperi qe ploteson standartet nderkombetare, cka konfirmohet nga patenta, nen marken e kompanise Endemol.

HYRJA:

publikoje ne Facebook

Edhe pak ditë na ndajnë nga spektakli i madh “Big Brother Albania 2“.

Reality show më i ndjekur në Shqipëri do të nisë transmetimin më 7 shkurt në “Top Channel”, ndërsa do të transmetohet drejtpërsëdrejti edhe në dy kanalet e platformës tokësore e satelitore të “DigitAlb“. “Big Brother“, edhe këtë vit, do të prezantohet nga prezantuesja e njohur,

.Dymbëdhjetë janë personazhet që do të hyjnë në shtëpinë më të famshme në Shqipëri. Ata janë përzgjedhur mes rreth 8 mijë aplikantëve, të cilët kanë qenë pjesë e audicioneve për “Big Brother Albania”.

Kjo fazë zgjati për tre muaj. Ndryshe nga viti i kaluar, këtë sezon, shtrirja gjeografike e pjesëmarrësve në këtë reality show të suksesshëm, është më e gjerë. Aplikantët e pjesëmarrësit në “Big Brother” vijnë thuajse nga të gjitha rrethet e Shqipërisë.

Ky fakt është një tregues i shikueshmërisë dhe suksesit të padiskutueshëm të një formati që në fakt, provën e suksesit e kaloi që në edicionin e parë të tij. Jo vetëm shqiptarë të cilët jetojnë në Shqipëri, por edhe ata që jetojnë jashtë kufijve kanë qenë të interesuar për të qenë pjesë e shtëpisë së madhe të “Big Brother”, në “Top Channel”. Të ardhur nga vende si Italia, Greqia, Anglia etj.

Ata kanë qenë të gatshëm për të lënë për pak kohë punën e jetën e ndërtuar jashtë Shqipërisë e për të nisur një aventurë të re në shtëpinë e “Big Brother”. Organizatorët bëjnë të ditur se pas përzgjedhjes fillestare, aplikantët kanë kaluar tri faza të tjera vlerësimi, për të arritur në numrin e të përzgjedhurve përfundimtarë. Këta të fundit do të jenë pjesë e aventurës së madhe, e cila do të nisë të shtunën e parë të muajit shkurt, në “Top Channel”.

Mosha e banorëve të rinj të shtëpisë varion nga 20 deri në 40 vjeç. Ata janë përfaqësues të brezave të ndryshëm, çka garanton sigurisht spektakël dhe debate brenda shtëpisë. Do të gjenden në këtë familje të madhe të rinjtë ëndërrimtarë, por edhe brezi i më të rriturve të cilët ëndrrën, shpresojnë ta arrijnë nëpërmjet këtij reality show.

E rëndësishme është që gjithsecili prej tyre të përfaqësojë veten brenda shtëpisë, pavarësisht vëzhgimit nga Vëllai i Madh, e pavarësisht se ditët e tyre do të vijojnë të ndjekura nga ekrani prej syve të publikut. Ditë pas dite, banorët, njësoj si paraardhësit e tyre vitin që kaloi, do të bëhen të njohur për publikun deri në imtësi. Duke ofruar veten e tyre të vërtetë, ata do të jenë pjesë e një spektakli të gjatë, plot 99 ditë. Ata do të vëzhgohen në gjithçka, do të sprovohen gjithashtu. Do të mësojnë të njihen e të bashkëjetojnë me njerëz që deri para fillimit të këtij reality show, as që e njihnin ekzistencën e njëri-tjetrit. Do ketë miqësi, aleanca, por edhe përplasje, kundërshti e mospërputhje.

Në mungesë të televizorit, celularit, librit, apo të çdo mjeti tjetër informativ e komunikativ, e vetmja mundësi për të kaluar ditët ndryshe është komunikimi me njëri-tjetrin. Në varësi të sjelljes, apo të “aleancave” të krijuara brenda në shtëpi, do të ketë të humbur ose të fituar. Vetë banorët do të vendosin për njëri-tjetrin. Dhoma e sekreteve do të jetë dritarja e komunikimit. Aty publiku do të ketë mundësi të mësojë gjithçka. Ndërkaq, edhe shtëpia në të cilën banorët do të kalojnë më shumë se tre muaj të mbyllur brenda, është një tjetër element që do të vijë ndryshe nga viti i shkuar. Ajo do të jetë me më shumë ambiente, më e bukur, e komode nga viti i shkuar.

Ky vit i dytë i “Big Brother” në Shqipëri është një përvojë më shumë e fituar, ndaj edhe gjithçka do të jetë e kuruar deri në detaj. Nga organizatorët e programit bëhet e ditur se audicionet nuk kanë përfunduar me përzgjedhjen e banorëve të parë, të cilët do të shkelin në shtëpinë e “Big Brother”. “Vëllai i Madh” është ende në kërkim të elementeve të reja e të individëve interesantë, të cilët duan të shpalosin veten në një program kaq të suksesshëm si “Big Brother”. Çmimi i madh për fituesin e edicionit të dytë të “Big Brother Albania”, fillon nga 70 mijë euro, por surprizat nuk përfundojnë këtu.

Gjithçka do të zbulohet hap pas hapi. Çdo ditë në ekranin e “Top Channel” do të transmetohet për gati 30 minuta përmbledhja e ngjarjeve më të rëndësishme të ditës, ndërsa të shtunën do të zhvillohet spektakli i madh nën prezantimin e tashmë së mirënjohurës Arbana Osmani. Ndërkaq, një suplement prej tetë faqesh kushtuar “Vëllait të Madh” do t‘i bashkëngjitet çdo të shtunë gazetës “Shqip”. Lexuesit do t‘i jepet mundësia të njihet jo vetëm me personazhet e shtëpisë, debatet e gjithçka ata do të përjetojnë aty brenda, por edhe me të tjera të reja. “Big Brother” është i vetmi program televiziv në Shqipëri që plotëson standardet ndërkombëtare, çka konfirmohet nga patenta që zotëron nën markën e kompanisë “Endemol”. “Big Brother” është një prodhim i kompanisë “Top Media”, “Top Channel” dhe “DigitAlb”. Reality show “Big Brother” është quajtur kështu prej personazhit me të njëjtin emër i krijuar nga George Orwell, në romanin e tij të botuar në vitin 1984. Formati i famshëm televiziv transmetohet në më shumë se 40 vende të botës.

Çmimi i madh për fituesin e edicionit të dytë të “Big Brother Albania” fillon nga 70 mijë euro, por surprizat nuk përfundojnë këtu. Gjithçka do të zbulohet hap pas hapi…

Ditë pas dite, banorët, njësoj si paraardhësit e tyre vitin që kaloi, do të bëhen të njohur për publikun deri në imtësi. Duke ofruar veten e tyre të vërtetë, ata do të jenë pjesë e një spektakli të gjatë plot 99 ditë.

VIRTUALBANIA

publikoje ne Facebook

Aplikimet per Big Brother Albania 2 kane filluar aplikoni tek http://bigbrother.top-channel.tv/

publikoje ne Facebook