ciljeta & romeo

Çiljeta si po shkon marrëdhënia jote me Romeon?
Është Viti i Ri i katër që në kalojmë bashkë. Lidhja po shkon shumë mirë. Sigurisht në këto katër vite si çdo çift tjetër edhe ne kemi patur ulje dhe ngritje por e rëndësishme është që gjithçka është superuar. Ndihem dhe jam shumë mirë me të.
Sa kohë kalon me të?
Çdo pasdite e kam të programuar me të. Nuk rrimë dot pa e takuar njëri-tjetrin me përjashtim të rasteve të veçanta kur të dy jemi shumë të zënë me punë. Mund të takohemi edhe paraditeve kur nuk kemi punë për të pirë një kafe.
Në cilin tip do ta klasifikoje të dashurin tënd?
Është tip shumë serioz, shumë i përmbajtur. Është shumë ndryshe nga tipi im, por unë gjithmonë e kam thënë dhe e them që Romeo është shpirti im binjak, jemi të ngjashëm në shpirt.
Është xheloz?
Është, por nuk e shpreh shumë në pjesën më të madhe të rasteve. E përsëris, është shumë i përmbajtur. Ndërsa unë kur bëhem xheloze e shpreh, dhe shumë madje. Ka diçka shumë të bukur, kur bëhet xheloz Romeo, afeksionohet edhe më shumë pas meje, çka do të thotë që xhelozinë e shpreh me dashuri.
The se ky është i katërti vit që kaloni së bashku. Ku do të shkoni natën e Vitit të Ri?
Në fakt ende nuk e kemi vendosur tamam. Qejf kemi të shkojmë në Mavrov të Maqedonisë bashkë me shoqërinë e Romeos. Gjithmonë nëse unë nuk do të jem në ndonjë vend për të kënduar natën e Vitit të Ri. Por e rëndësishme është që përsëri do të jemi bashkë, kudo që të shkoj.
Dhurata që do i bësh atij për festat e fundvitit?
Do të jetë një unazë me një domethënie shumë të madhe pasi dashuria jonë është rritur bashkë me vitet që kemi kaluar bashkë. Unë ndërkohë në dorë kam një unazë që më ka dhuruar Romi vitin e kaluar. Dhurata ime këtë vit është një unazë me gurë diamanti, e tillë besoj se do të jetë edhe ajo që do të më dhurohet mua nga Romeo. Do i këmbejmë unazat me njëri-tjetrin natën e Vitit të Ri. Tashmë për ne kjo është kthyer në një traditë dhe është hera e parë që unë e them një gjë të tillë. Që herën e parë që kemi festuar bashkë Vitin e Ri dhe deri këtë vit, ne i bëjmë njëri-tjetrit dhuratë një unazë të cilën e kemi simbol të dashurisë. Por këtë vit besoj se është ndryshe nga gjithë herët e tjera.
Mos ndoshta kjo unazë i paraprin fejesës?
Kjo është një unazë domethënëse, por mendoj se ajo e fejesës do të jetë ajo që nuk do hiqet kurrë nga dora. Ende nuk kemi vendosur gjë të them të drejtën por e rëndësishme është që një gjë të tillë e mendojmë.
Shkon shpesh tek shtëpia e Romeos dhe cilat janë marrëdhëniet e tua me prindërit e tij? Jo, nuk shkoj shumë shpesh se jam shumë e zënë me punë, por shkoj. Marrëdhëniet i kam të mira me të dy prindërit e Romeos, kryesisht me nënën e tij, flasim më mirë mes femrash.
Po Romeo me prindërit e tu?
Në shtëpi nuk vjen, pasi njeh vetëm mamanë time. Në momentin që do njohë babin, do caktohet edhe data e fejesës. Tashmë ata e dinë që unë jam e rritur dhe edhe pse i kanë sytë nga unë si fëmijë i vetëm, e dinë që jetën time e thur vetë. Ajo që iu mjafton është se kam qenë korrekte në këtë lidhje. Kalojmë pak në përgatitjet që po bën për klipin e ri.
Si po shkojnë ato?
Në fakt janë dy klipe të reja. Do të jetë klipi i këngës ‘Dorëheqja’ me të cilën konkurova në ‘Top Fest’. Do të jetë gati i gjatë 10 minuta, si film i shkurtër. Ndërsa klipi tjetër do të jetë së shpejti në bashkëpunim me pas vitit të ri. Njëri do të jetë në bashkëpunim me ‘Max Production’ dhe tjetri me ‘Supersonic’ me regjisorin Alexandër.
Do mbash të njëjtin look?
Them ta mbaj këtë look dhe 3-4 muaj të tjerë. Më pas do kthehem me flokë të gjatë me onde dhe me fije bjonde. Look-u i ri, me flokë në ngjyrë platini të shkurtër ishte dëshirë e Romeos të cilit ia plotësova.
Marrëdhënia jote me Ingridin?
Vazhdoj ta kem mike shumë të mirë. Vjen fle shpesh në shtëpinë time. Do e kem dëshmitare kur të martohem. Do i hedh buqetën që të martohet edhe ajo më pas. (Qesh)

Fjalet nga kerkimet:

• ciljeta romeo
• romeo ciljeta
• ciljeta dhe romeo
• ciljeta me romeon
• klipi i qiljetes me

ciljeta xhilaga

Jetën time private tashmë e dua jashtë çdo gjëje tjetër, jashtë interesimit të medias dhe syve kuriozë. Nuk dua të flas më, jo më pasi kështu vetëm abuzohet”- kështu është shprehur Çiljeta duke treguar në këtë mënyrë se anën personale të gjërave dëshiron ta ketë të pazbuluar. E sigurisht mendja i shkon të gjithëve tek i dashuri i saj tashmë prej vitesh, Romeo me të cilin Çili është mjaft e dashuruar. “Kam folur shumë për Romeon dhe lidhjen tonë dhe më duket sikur kështu e prish magjinë e gjërave apo të jetës time private. Jetojmë një lidhje shumë të mirë bashkë por e duam të paprekur nga paparacët apo dhe intervistave të gazetave rozë.”- thotë ajo. Ndoshta ky vendim i Çiljetës është mjaft i drejtë por ç’të bëjmë kur këngëtarja zgjon kurdoherë interesin dhe vëmendjen e fansave të cilët kërkojnë të mësojnë gjithçka rreth saj, ndaj dhe mundohemi të jemi sa më praën tyre. Gjithsesi vajza bukuroshe premton se me të ndodhur diçka vërtet e re në jetën e saj apo ndonjë zhvillimin interesant që ia vlen për të folur, do të reagojë edhe për median.

ciljeta_xhilaga